Aktualitet

Fshihej poshtë urës së Zaranikës! Vrau me thikë bashkëjetuesen në Elbasan, arrestohet autori

Pak ditë më parë çifti kishte pasur një konflikt dhe të dy kishin përfunduar në polici pas denoncimit të Elezit.

31 Korrik 2022, 13:24 Nga A.B
Fshihej poshtë urës së Zaranikës! Vrau me thikë
Ramis Mici

ELBASAN- Pas 24 orësh ndjekje, Policia e Elbasanit ka arrestuar Ramis Micin, i cili vrau me thikë bashkëjetuesen e tij. 37-vjeçari vrau me thikë mëngjesin e djeshëm bashkëjetuesen e tij, Jetlira Elezin. Mici ishte fshehur poshtë përroit të Zaranikës dhe që prej ditës së djeshme, pasi kreu krimin dhe u arratis kishte qëndruar poshtë urës.

Elezi humbi jetën në vend vend pasi u godit disa herë me thikë, në banesën e marrë me qera në lagjen 'Skëndërbeu'. 

Pak ditë më parë çifti kishte pasur një konflikt dhe të dy kishin përfunduar në polici pas denoncimit të Elezit. Pronari i banesës ku ata qëndronin me qira tha se policia e ka shoqëruar në rajon autorin e krimit pas denoncimit të bashkëjetueses së tij për dhunë, por janë të paqarta arsyet pse ai ishte liruar brenda kaq pak ditësh.

Viktima kishte bërë kërkesë për urdhër mbrojtje por nuk e kishte përfituar ende atë. Të dy bashkëjetuesit kishin qenë të martuar më herët dhe kishin fëmijë nga këto martesa. Bashkë me çiftin jetonte edhe vajza e viktimës e cila ishte larguar pak ditë më parë pranë të atit.

Dyshimet e para janë se ngjarja ka ndodhur për motive xhelozie.

Vëllai i Jetlirës, Sokol Elezi, përmes një statusi në rrjetet sociale, u betua se do të marrë hakun e motrës së tij.

burri vret gruan ne elbasan jetlira elezi ramis mici

Sondazh

Poll

MË SHUMË