Bota

'Pa kravatë'/ Kryeministri spanjoll këshillon zyrtarët: Përdorni veshje 'casual', mos përdorni kondicionerin

Kryeministri spanjoll ka inkurajuar të gjithë zyrtarët publikë që të heqin dorë nga veshja e tyre zyrtare përpara njoftimit për më shumë masa të kursimit të energjisë të hënën.

30 Korrik 2022, 09:16 Nga A.B
'Pa kravatë'/ Kryeministri spanjoll këshillon zyrtarët:
Pedro Sanchez

SPANJË- Zyrtarëve spanjollë u është thënë që të heqin kravatat e tyre në punë për t'u freskuar në vend që të përdorin vetëm kondicionerin. Kryeministri Pedro Sanchez, teksa u paraqit pa kravatë para gazetarëve në Pallatin Moncloa në Madrid, tha se ai ka inkurajuar të gjithë zyrtarët publikë që të heqin dorë nga veshja e tyre zyrtare përpara njoftimit për më shumë masa të kursimit të energjisë të hënën.

“Dua të vini re se unë nuk mbaj kravatë. Kjo do të thotë se ne të gjithë mund të kursejmë nga pikëpamja e energjisë”, tha ai.

Shtetet e BE-së po përpiqen të gjejnë mënyra për të ulur përdorimin e tyre të energjisë përpara se të vijë dimri, pasi Rusia filloi të frenojë furnizimet me gaz në kontinent. Gjermania tashmë ka filluar të fikë dritat e rrugëve në Berlin, ndërsa Hanoveri do të mbyllë ujin e ngrohtë në ndërtesat publike.

pedro sanchez

Sondazh

Poll

MË SHUMË