Bota

Boris Johnson përflitet se të bëhet sekretari i ardhshëm i përgjithshëm i NATO-s

Kryeministri mund të marrë këtë rol nëse Jens Stoltenberg tërhiqet në shtator të vitit të ardhshëm, që do t'i jepte Boris një vit për t'u rikuperuar pasi u rrëzua nga posti i tij.

27 Korrik 2022, 10:59 Nga d.a.
Boris Johnson përflitet se të bëhet sekretari i ardhshëm i
Boris Johnson

BRITANI- Kryeministri në largim i Britanisë, Boris Johnson po përmendet si sekretar i mundshëm i ardhshëm i përgjithshëm i NATO-s nga konservatorët e lartë.

Sipas raporteve të Telegraph, kryeministri mund të marrë këtë rol nëse Jens Stoltenberg tërhiqet në shtator të vitit të ardhshëm, që do t'i jepte Boris një vit për t'u rikuperuar pasi u rrëzua nga posti i tij.

Një kandidat britanik besohet të jetë i favorizuar për këtë rol për shkak të mosbesimit të SHBA-së ndaj çdo figure të Bashkimit Evropian që merr vendin e punës, duke pasur parasysh sugjerimet e përsëritura të planeve për një ushtri të re të BE-së.

Britania është gjithashtu e besuar nga shtetet baltike dhe Johnson personalisht ka fituar besim ndërkombëtar për ndihmën në ndërtimin e koalicionit ndërkombëtar kundër Vladimir Putinit të Rusisë.

Deputeti Richard Drax, një anëtar i lartë konservator i komitetit të përzgjedhur të mbrojtjes, tha se do të mbështeste kryeministrin për rolin nëse do ta donte. Megjithatë, një figurë e lartë e Ministrisë së Mbrojtjes shprehu dyshime për emërimin, duke pasur parasysh se ekzistonte mundësia që Emmanuel Macron, presidenti francez, të vinte veton ndaj tij.

“Realiteti është se kreu i NATO-s emëroheT me vendim unanim. Çdo vend mund të vërë veton."- tha një burim për Telegraph.

dorehiqet boris johnson jens stoltenberg sekretari i ri i nato-s

Sondazh

Poll

MË SHUMË