Sekretari i Përgjithshëm i OKB-së Antonio Guterres dënon sulmin me raketa ruse në portin e Odessas, duke shtuar se të gjitha palët në luftë kanë shprehur angazhimin e tyre ndaj marrëveshjes së nënshkruar dje për eksportet e grurit nga portet ukrainase dhe duke theksuar se zbatimi i plotë i marrëveshjes nga Federata Ruse, Ukraina dhe Turqia është imperativ.
UKRAINË- Sekretari i Përgjithshëm i OKB-së Antonio Guterres dënon sulmin me raketa ruse në portin e Odessas, duke shtuar se të gjitha palët në luftë kanë shprehur angazhimin e tyre ndaj marrëveshjes së nënshkruar dje për eksportet e grurit nga portet ukrainase dhe duke theksuar se zbatimi i plotë i marrëveshjes nga Federata Ruse, Ukraina dhe Turqia është imperativ.
"Këto produkte nevojiten dëshpërimisht për të trajtuar krizën globale të ushqimit dhe për të lehtësuar gjendjen e miliona njerëzve në nevojë në të gjithë planetin," tha zëdhënësi Farhan Haq në një deklaratë.
Më herët, ambasadori i Shteteve të Bashkuara në Kiev tha se sulmi me raketa ruse në portin e Odessa ishte "i neveritshëm" dhe se Rusia duhet të mbajë përgjegjësi.
“Kremlini vazhdon të përdorë ushqimin si armë. Rusia duhet të mbajë përgjegjësi”, shkroi ambasadorja e SHBA Bridget Brink në Twitter.
Kievi ka paralajmëruar se Rusia do të mbajë përgjegjësinë e plotë nëse marrëveshja e eksportit të grurit dështon dhe u bëri thirrje Kombeve të Bashkuara dhe Turqisë që të bëjnë presion ndaj Rusisë që të përmbushë detyrimet e saj për të siguruar funksionimin e sigurt të rrugëve detare për eksportin e grurit në Detin e Zi, sipas një deklarate nga Ministria e Jashtme e Ukrainës.
"Duke gjuajtur raketa në portin e Odesës, presidenti rus i pështyu në fytyrë Sekretarit të Përgjithshëm të OKB-së Antonio Guterres dhe presidentit turk Rexhep Erdogan, të cilët bënë përpjekje të mëdha për të arritur këtë marrëveshje”, tha zëdhënësi i Ministrisë së Jashtme të Ukrainës, Oleg Nikolenko.
Ushtria ukrainase tha se raketat ruse goditën infrastrukturën në portin e Odessa, një ditë pasi Rusia dhe Ukraina nënshkruan një marrëveshje për të hequr bllokadën e porteve të Detit të Zi të Ukrainës për të rifilluar eksportet e grurit. Marrëveshja e Stambollit synon të ofrojë lehtësim për vendet që varen nga tregjet e drithit ukrainas dhe rus për furnizimet e tyre.Të dy vendet përbëjnë 30% të tregtisë botërore të grurit.
Ilir Meta dhe Përparim Rama PRISHTINË- Presidenti Ilir Meta ka zhvilluar një takim me kryebashkiakun e Prishtinës, Përparim R...
Gruri UKRAINË- Sulmet me raketa ruse kanë goditur portin jugor të Ukrainës, Odesa, vetëm një ditë pasi Ukraina dhe ...
Boris Johnson BRITANI- Boris Johnson hodhi një granatë dhe përdori një lëshues raketash antitank gjatë një udh...
tank Shtetet e Bashkuara kanë nënshkruar një ndihmë ushtarake prej 270 milionë dollarësh për Ukrainën, duke pë...
Foto Ilustruese SHBA- Një ngjarje e pazakontë ka ndodhur në një linjë fluturimi “Alaska Airlines”, ku mes dy pilo...
Moti Institutet hidrometeorologjike në Bosnje dhe Hercegovinë, Serbi dhe Kroaci kanë lëshuar një alarm të kuq moti për 2...
Covid ne Kosove KOSOVË- Katër humbje jete dhe 1 mijë e 400 raste të reja me Covid-19 janë konfirmuar në 24 orët e f...
zjarr ne Greqi GREQI- Forcat e Shërbimit Zjarrfikës dhe vullnetarë po luftojnë flakët në zonën e Rogadës ...
pamje nga sherri KOSOVË- Prokuroria Themelore e Prishtinës ka identifikuar gruan, e cila në një video shihej në makinë dhe d&...
Milic Minja Sakoviç MAL I ZI- Policia dhe prokuroria e Malit të Zi kanë hedhur dritë mbi vrasjen e Milic Minja Sakoviçit...