Aktualitet

Mbushën fshatin Mujalli të Fierit me kanabis/ Arrestohen 4 vëllezërit Sako, në kërkim nipi i tyre (EMRAT)

Trifon Sako, Ermir Sako, Ilia Sako, Altin Sako në bashkëpunim me njëri tjetrin kanë kultivuar bimë të dyshuara narkotike cannabis

23 Korrik 2022, 10:15 Nga A.B
Mbushën fshatin Mujalli të Fierit me kanabis/ Arrestohen 4
Kanabis

FIER- Vëllezërit Sako janë vënë në pranga nga policia pas finalizimit të operacionit 'Zhavar'. Trifon Sako, Ermir Sako, Ilia Sako, Altin Sako në bashkëpunim me njëri tjetrin kanë kultivuar bimë të dyshuara narkotike cannabis sativa në fshatin Mujalli në zonën e quajtur 'Nikas'. Po ashtu, policia ka shpallur në kërkim dhe 21-vjeçarin Dhionis Sako.

NJOFTIMI:

Finalizohet faza e tretë e operacionit policor të koduar "Zhavar". Evidentohet dhe goditet një tjetër rast i kultivimit të bimëve narkotike. Arrestohen në flagrancë 4 shtetas të tjerë të implikuar në këtë veprimtari kriminale, shpallet në kërkim djali i njërit prej tyre. Në vijim të hetimeve të thelluara për dokumentimin e plotë të veprimtarisë kriminale në fushën e narkotikëve, në kuadër të operacionit policor të koduar "Zhavar", gjatë kontrollit të imtësishëm të territorit, në vendin e quajtur "Nikas", në fshatin Mujalli, shërbimet e Policisë gjetën të kultivuara bimë të dyshuara narkotike cannabis sativa.

Në vijim të veprimeve, specialistët për Hetimin e Krimeve në Komisariatin e Policisë Fier arrestuan në flagrancë shtetasit T. S., 61 vjeç dhe E. S., 34 vjeç (babë e bir); I. S., 57 vjeç dhe A. S., 51 vjeç (vëllezër), të katërt banues në fshatin Daullas, Fier. Gjithashtu u shpall në kërkim edhe djali i shtetasit A. S., shtetasi Dh. S., 21 vjeç.

Nga veprimet hetimore rezultoi se njëri prej autorëve të arrestuar gjatë fazës së parë të operacionit, konkretisht shtetasi F. G., 40 vjeç, në bashkëpunim me këta 5 shtetas, kanë kultivuar bimë të dyshuara narkotike cannabis sativa, në tokën në pronësi të tyre. Materialet i kaluan Prokurorisë, për veprime të mëtejshme procedurale.

kanabis ne fier trifon sako ermir sako ilia sako altin sako

Sondazh

Poll

MË SHUMË