Bota

Portugalia kundër propozimit të BE-së për reduktimin e përdorimit të gazit

Portugalia është plotësisht kundër një propozimi të BE-së që vendet anëtare të shkurtojnë përdorimin e gazit deri në mars. Kjo gjë do të pengonte prodhimin e energjisë elektrike.

21 Korrik 2022, 21:31 Nga s.s

Portugali

PORTUGALI- Bashkimi Europian ka propozuar që vendet anëtare të shkurtojnë përdorimin e gazit deri në mars, por Portugalia është plotësisht kundër këtij propozimi. Sekretari i Energjisë, Joao Galamba, tha se ky propozim erdhi për shkak të pengimit të prodhimit së energjisë elektrike përmes termocentraleve me gaz kur vendi përballet me një thatësirë ekstreme. Ajo u ka bërë thirrje shteteve anëtare që të ulin përdorimin e gazit me 15% deri në mars si një hap emergjent pasi Presidenti Vladimir Putin paralajmëroi se furnizimet ruse mund të reduktohen, raporton Reuters.

Joao Galamba, Zëvendës Ministër dhe Sekretar i Shtetit për Energjinë i tha gazetës “Expresso” se propozimi i BE-së nuk adresonte nevojat specifike për hidrocentralet e Spanjës dhe Portugalisë. "Portugalia është totalisht kundër propozimit të Komisionit Evropian, sepse ky shtet nuk merr parasysh dallimet midis vendeve dhe kjo nuk mund të zbatohet për Portugalinë", tha ai. Ministri i Mjedisit Duarte Cordeiro tha se "refuzimi i propozimit nuk është mungesë solidariteti", sepse Iberia e cila nuk varet nga gazi i transportuar nga Rusia mbetet një ishull energjetik.

"Ndërprerja e gazit në Portugali nuk do arrinte ta bënte menjëherë të disponueshme gazin për vendet e tjera”, u tha ai gazetarëve.

Ai tha se për shkak të thatësirës së madhe, digat në Portugali po prodhonin rreth 50% të energjisë elektrike të prodhuara në vitin 2021, duke i detyruar ndërmarrjet të përdornin më shumë termocentralet me gaz. Propozimi i Komisionit do t'i mundësonte Brukselit ta bënte objektivin të detyrueshëm në rast emergjence furnizimi, nëse BE-ja deklaronte një rrezik të konsiderueshëm të mungesës së rëndë të gazit.

portugali shkurtim gazi jao galamba spanje