Bota

Lidhja me Princin Charles rezultoi e rreme, BBC dëmshpërblen ish-dadon e djemve

Alexandra Pettifer, e njohur si Tiggy, iu kërkua falje në Gjykatën e Lartë për akuzat e pabaza që ajo kishte një lidhje me Princin Charles dhe një abort. Avokati i saj tha se pretendimet e rreme kishin shkaktuar "pasoja të rënda personale".Lidhja

21 Korrik 2022, 19:44 Nga d.a.

Lidhja me Princin Charles rezultoi e rreme, BBC dëmshpërblen ish-dadon

Alexandra Pettifer

BRITANI- Media britanike BBC do i paguajë një dëmshpërblim ish-dados së princave William dhe Harry për pretendimet e rreme të bëra rreth saj, sikur ajo kishte një lidhje me princ Charles dhe kishte humbur një shtatëzani, e gjitha kjo për të siguruar një intervistë të Princeshës Diana në 1995.

Sipas BBC, Alexandra Pettifer, e njohur si Tiggy, iu kërkua falje në Gjykatën e Lartë për akuzat e pabaza që ajo kishte një lidhje me Princin Charles dhe një abort. Avokati i saj tha se pretendimet e rreme kishin shkaktuar "pasoja të rënda personale". Një hetim tashmë ka zbuluar se gazetari Martin Bashir i ka përdorur dokumente false për të fituar besimin e Dianës.

Alexandra Pettifer

Intervista e parë nga 22.8 milion në MB dhe e transmetuar tre vjet pasi Princi Charles dhe Diana u ndanë u përshkrua nga komentuesit në atë kohë si një "bombë" që shkatërroi imazhin e një familjeje mbretërore të lumtur, të kujdesshme dhe të bashkuar.

BBC tha të enjten se i vjen “shumë keq për dëmin serioz dhe të zgjatur” të shkaktuar ndaj zonjës Pettifer dhe familjes së saj pas transmetimit. Në një deklaratë të lexuar në gjykatë, avokati i zonjës Pettifer, Louise Prince tha se lajmet kishin përfshirë "pretendimet shumë serioze dhe krejtësisht të pabaza se paditësja kishte një lidhje me Princin e Uellsit, duke rezultuar në një shtatzëni e cila u ndërpre".

Një hetim vitin e kaluar i udhëhequr nga gjyqtari në pension Lord Dyson zbuloi se intervista ishte marrë duke përdorur dokumente të rreme dhe se BBC nuk kishte standarde të larta të integritetit dhe transparencës. Raporti thoshte se Bashir kishte gënjyer në mënyrë të përsëritur disa njerëz, përfshirë BBC-në.

Bashir, i cili mori një çmim industrie për programin Diana dhe vazhdoi të punojë për ITV dhe në Shtetet e Bashkuara, ka kërkuar më parë falje. Gazetari u kthye në BBC News në 2016 dhe u bë redaktori i saj fetar, por nuk punon më për korporatën.

alexandra pettifer princ charles princeshe diana martin bashir