Politike

Basha takim me strukturat në Pukë, thirrje të fortë kundër Ramës: Është koha ta shporrim

3 Gusht 2019, 16:08 Nga DOSJA
Basha takim me strukturat në Pukë, thirrje të fortë

PUKË- Në Pukë, në takimin me strukturat lokale të PD, kreu i opozitës Lulzim Basha, u fokusua tek ekonomia e vendit. Basha tha se dëmi që qeveria e Edi Ramës i ka shkaktuar vendit dhe familjeve shqiptare këto 6 vjet është shumë i madh.

“Organizata e strukturuar kriminale e rilindjes, e shndërroi vendin në një moçal të papunësisë e të mjerimit, ku nuk ka më as punësim, as shanse për rininë, madje as krijim të familjeve të reja, siç informohem me shumë trishtim se po ndodh në Pukë e në të gjithë vendin.” – u shpreh Basha.

Duke e cilësuar Parlamentin si landfillin e Republikës, kryetari i Partisë Demokratike tha se çdo vendim i marrë prej tij, është kundër interesit publik.

“Janë vendime për të vjedhur buxhetin, për të vjedhur pasuritë e vendit, për të vjedhur pyjet, malet, lumenjtë, mineralet, naftën, bregdetin, me PPP, koncesione, tendera. Kanë shpikur gjithëfarë mënyrash vetëm një qëllim: vjedhjen dhe grabitjen e pasurive të shqiptarëve, vjedhjen dhe grabitjen e taksave të shqiptarëve, për hesap të 5 bandave kriminale dhe 5 oligarkëve, që përbëjnë qeverinë e vërtetë të hajdutit psiqik Edi Rama”- theksoi kreu i opozitës.

Lulzim Basha tha se varfëria është produkti i qeverisjes së Edi Ramës. “Hajdutëria, babëzia dhe grabitja e shfrenuar që Rama dhe banda e tij i bëjnë Shqipërisë kanë prodhuar papunësi ekstreme, koston e jetesës më të lartë në rajon, të ardhurat më të ulëta për frymë, çmimet bazë të naftës, energjisë, të ujit, taksat në nivelet më të larta të rajonit.”- tha kreu i opozitës në Pukë.

“Ashtu siç patëm paralajmëruar, 30 qershori u kthye në një referendum kombëtar “Rama ik”, u kthye në një varrezë politike të organizatës kriminale dhe hajdute të Rilindjes. 85 % e shqiptarëve treguan përmasat e vërteta të shumicës së re në vend, të shumicës “Rama ik”. Ka ardhur koha ta shporrim këtë pakicë kriminale nga Puka dhe nga gjithë Shqipëria.”- përfundoi kreu i PD.

Tirana është boshatisur për ditët e pushimit. Cilën nga ritet e shenjta po ndiqni:

View Results

politike politike basha me strukturat basha takime ne rrethe lulzim basha lulzim basha ne puke basha me strukturat basha takime ne rrethe lulzim basha lulzim basha ne puke

Sondazh

Poll

MË SHUMË