Sport

Messi hap ‘vallen’ në Tokio, PSG fiton ndaj Kawasaki Frontale

Në turneun e tyre në Japoni, të cilin ai do ta shkurtojë, parizienët fituan 2-1 ndeshjen e radhës ndaj kampionëve të këtij vendi

20 Korrik 2022, 16:20 Nga DOSJA

Messi hap ‘vallen’ në Tokio, PSG fiton ndaj Kawasaki Frontale

JAPONI - Në vapë shtypëse, pavarësisht orarit ( 19:30 në Japoni, 12:30 në Paris), PSG dominoi 2-1 të mërkurën Kawasaki Frontale, kampion në fuqi në Ligën e Japonisë, i cili u privua nga disa lojtarë të përzgjedhur për Lindjen. Në kupën e Azisë (të martën në mbrëmje, Japonia mundi Hong Kongun 6-0). 

E përballur që në start me presionin e Kawasakit, PSG përjetoi minutat e para të dhimbshme, ku për rrjedhojë e kishte të vështirë të nxirrte topin siç duhet. Trajneri i ri parizian, Christophe Galtier, ndërhyri me shpejtësi, duke u kërkuar mbrojtësve të tij të luanin më lart dhe gradualisht Paris arriti t'i konfiskonte topin kundërshtarit të tyre. 

Për një orë, PSG luajti në 3-4-2-1 (përpara se të zgjidhte një hibrid 4-3-3), me Messin që mbështeste dyshen Neymar-Mbappé. Tre yjet parizienë kërkuan të kombinoheshin së bashku, por francezi dhe braziliani nuk bënin gjithmonë zgjedhjet e duhura. PSG shënoi me një goditje të Messit (32’), që konkretizoi kulmin parizien, i ilustruar nga disa mundësi të shkëlqyera për Mbappé, i mbajtur nën kontroll nga Jung (18’, 28’). 

Messi hap ‘vallen’ në Tokio, PSG fiton ndaj Kawasaki Frontale

Në pjesën e dytë, Galtier ndryshoi plotësisht skuadrën e tij në dy faza. Parisi më pas krijoi më pak raste, por edhe pranoi më pak, edhe nëse ai pësoi një gol në fund të lojës, pas një goditje këndi (84’) të kthyer keq. Më herët, Kalimuendo (58’), që zëvendësoi Mbappe me fillimin e pjesës së dytë, kishte dyfishuar epërsinë.

I vlerësuar sa herë që shfaqej në ekranet e stadiumit olimpik, ose kur u zëvendësua nga Icardi (62’), Lionel Messi nuk arriti gjithçka, por shënoi golin e parë të ekipit të tij (32’) dhe i shërbeu mirë Bernatit në rastin e të dytit. 

64.922 njerëz morën pjesë në këtë ndeshje në stadiumin Olimpik të Tokios. Pjesëmarrja më e mirë e mëparshme ishte për ndeshjen Japoni-Brazil (0-1) më 6 qershor, ku Neymar shënoi nga pika e bardhë, ku të pranishëm ishin 63.638 shikues.

B.T (Dosja.al)

Sondazh

Poll

MË SHUMË