Aktualitet

U bllokuan në det me pedalon, shpëtohen tre 15-vjeçar në Durrës

Mësohet se në vendin e quajtur “Adriatik 1", tre 15-vjeçarët kishin marrë një pedalon dhe pasi ishin larguar në thellësi, nuk po ktheheshin dot në breg të detit.

17 Korrik 2022, 19:26 Nga I.A
U bllokuan në det me pedalon, shpëtohen tre 15-vjeçar në
Pedalon

DURRËS- Tre adoleshentë janë shpëtuar ditën e sotme në Durrës pasi ishin bllokuar në det me pedalon. Mësohet se në vendin e quajtur “Adriatik 1", tre 15-vjeçarët kishin marrë një pedalon dhe pasi ishin larguar në thellësi, nuk po ktheheshin dot në breg të detit.

Njoftimi i Policisë:

Policia Kufitare e Durrësit u erdhi në ndihmë 3 pushuesve që kishin mbetur në det të hapur, me një pedalon. Rreth orës 17:05, është marrë njoftim se në det të hapur, në vendin e quajtur “Adriatik 1”, Durrës, kishin mbetur 3 shtetas që ishin futur në det me një pedalon, me të cilin nuk po ktheheshin dot në breg. Menjëherë në ndihmë të tyre, janë nisur shërbimet, me mjetin lundrues të Policisë Kufitare Durrës, të cilët kanë konstatuar se larg bregut, në det të hapur, ishte një mjet lundrues pedalon, me 3 shtetas në të, që ishte bllokuar në det dhe nuk lëvizte pasi iu kishte bllokuar timoni. Shërbimet e Policisë Kufitare Durrës kanë marrë në mjetin lundrues të Policisë Kufitare, 3 pushuesit, të moshës 15 vjeç, të tre banues në Tiranë, të cilët ishin në gjendje të mirë shëndetësore. Policia Kufitare e Durrësit këshillon të gjithë pushuesit që t’i përdorin mjetet lundruese sipas rregullave të përdorimit të tyre, për të mos rrezikuar jetën.

policia e durresit

Sondazh

Poll

MË SHUMË