Politike

Çuçi: Reforma në Drejtësi me rezultate të jashtëzakonshme, nuk i jemi bërë mburojë askujt

Ai rëndidti disa nga arritjet e drejtësisë së re dhe pse e cilësoi një proçes të vështirë i cili do kohën e vet që të konsolidohet.

14 Korrik 2022, 13:46 Nga e.k
Çuçi: Reforma në Drejtësi me rezultate të
Blendi Çuçi

TIRANË- Ministri Brendshëm Blendi Çuçi duke folur për Reformën në drejtësi e ka cilësuar atë si më të suksesshmen në Shqipëri. Çuçi shprehu bindjen se drejtësia do të vijojë të japë rezultatet që mazhoranca i premtoi shqiptarëve.

Ai rënditi disa nga arritjet e drejtësisë së re dhe pse e cilësoi një proçes të vështirë i cili do kohën e vet që të konsolidohet.

Blendi Çuçi: “Askush nuk e ndalon Prokurorinë të hetojë. PS nuk i është bërë mburojë askujt deri më sot dhe nuk do t’i bëhet. Është një moment shumë i mirë që ne të bëjmë një bilanc të reformës m,ë të rëndësishme të një shoqërisë siç është Reforma në Drejtësi. Është marrë me seriozitet që ditën e parë nga maxhoranca jonë, është mbështetur nga partnerët që na asistojnë në ngritjen e institucioneve dhe e kundërshtuar herë haptas, herë nën rrogoz nga eksponentë të opozitës. Reforma në Drejtësi, si më e madhja për një shoqëri duhet parë si një mozaik të cilit duhet t’i largohesh pak për të parë se çfarë efektesh ka dhe si është ndërtuar deri në këtë moment. Në një bilanc 5 vjeçar është një nga reformat me rezultatet më të jashtëzakonshme për Shqipërinë. Për herë të parë të realizohet procesi i vetingut. Së dyti janë krijuar dhe janë tërësisht funksionale institucionet e reja, KLGJ, KLP, ILD dhe Këshilli i Emërimeve në Drejtësi. Është ngritur një strukturë për luftën kundër krimit të organizuar dhe korrupsionit. Për herë të parë drejtësia është një pushtet i pavarur dhe po kryen funksionin për të cilin është krijuar. Besoj se ne e kemi fituar betejën me shqiptarët kur i premtuam një drejtësi të pavarur. Askujt nuk i shkonte ndërmend derisa ka filluar të funksionojë sistemi i ri i drejtësisë se kryetarë bashkish, ministra të partisë qeverisëse janë hetuar po hetohen dhe ka akoma për të bërë”.

blendi çuçi

Sondazh

Poll

MË SHUMË