Politike

"Po ndërtojmë regjistrin e fermës"/ Krifca i kthehet Braçes: Fjalimin tënd nuk di ku ta kapësh

Ministrja Frida Krifca prezantoi edhe platformën e re për fermerët online. Duke shtuar se Ministria e Bujqësisë kishte dhënë 10 kontrata për toka me qera. 

14 Korrik 2022, 10:50 Nga k.m.
"Po ndërtojmë regjistrin e fermës"/ Krifca i kthehet
Frida Krifca

TIRANË- Ministrja e Bujqësisë, Frida Krifca në interpelancë me deputetin e Partisë Socialiste, Erion Braçe në fjalën e saj është shprehur se nuk di nga ta kapë deklaratën e deputetit. Krifca prezantoi edhe platformën e re për fermerët online. Duke shtuar se Ministria e Bujqësisë kishte dhënë 10 kontrata për toka me qera. 

"Është e vështirë që të flas për kontatat, kur në fakt fjalimin nuk di ku ta kapësh. Menaxhimi i mirë i tokës bujqësore mund të bëhet me një inventarizim. Përqafimi i teknologjisë ka hapur një kantier të rëndësishëm në Ministrinë e Bujqësisë që synon grumbullimin e informacionit, në nivel ferme. Ne po ndërtojmë për herë të parë, regjistrin e fermës. Na jep informacion të saktë. Me anë të këtyre të dhënave identifikojmë tokën. Mundësojmë rritjen e prodhimit, adresojmë edhe progresin e BE. Ky informacion mundëson kontroll në kohë reale. 

Po fuqizojmë sistemin LIMS të Institutit të Sigurisë Ushqimore dhe Veterinarisë i cili ka një rol kyc në sigurinë ushqimore që mundëson dixhitalizimin e të gjithë proceseve laboratorike dhe shkurtimin ndjeshëm të kohës së pritjes se analizave. 
Po vemë në jetë një sistem digjital për Autoritetin Kombëtar të Ushqimit i cili do të gjurmojë në kohë reale procedurat e inspektimit. Po kryejmë digjitalizimin e të gjithë proceseve administrative te aplikimit të Programit IPARD dhe kontrollit deri tek finalizimi i investimeve. Kështu përgjysmojmë kohën të procesimit te cdo aplikimi duke siguruar transparencën maksimale të procesit.

Për rritjen e efektivitetit të përdorimit të tokës bujqësore, kemi ngritur programin e menaxhimit te qendrueshem të tokës bujqësore ku kemi ndërtuar një sistem me të dhënat kadastrale, të pronësisë, cilësisë dhe përdorimit të tokës- program i cili do të mundësojë fermerëve akses online të të dhënave rreth tipeve të tokës, kulturat dhe pershtatshmërinë bujqësore që është më e udhes të kultivohen me bazen e të dhënave në nivel parcele. 

I ofrojmë një informacion shtesë të gjithë fermerëve, sipërmarësve dhe aktorëve të bujqësisë, rreth cilësisë së tokës dhe kulturave më të përshtatshme që duhet të kultivojnë në tokën e tyre. Që me marrjen e detyrës jam informuar me problematikat e qirave. Sa i përket tokave të dhëna me qira në Lushnjë -Divjakë, në total janë 10 kontrata,"-tha Frida Krifca.

frida krifca seance plenare 14 korrik 2022

Sondazh

Poll

MË SHUMË