Bota

Masakra e Srebenicës, Abazoviç: Gjenocidi nuk është kryer ndaj boshnjakëve, por ndaj njerëzve

Me këtë rast, Abazoviç tha se njerëzimi u vra në këtë vend më 11 korrik 1995, por se Bosnja vazhdon të jetojë dhe theksoi se të kaluarën nuk mund ta ndryshojmë, por të ardhmen mund ta ndryshojmë.

11 Korrik 2022, 13:39 Nga d.a.
Masakra e Srebenicës, Abazoviç: Gjenocidi nuk është kryer
Dritan Abazoviç

MAL I ZI- Një delegacion i Qeverisë së Malit të Zi i kryesuar nga kryeministri Dritan Abazoviç po merr pjesë në përkujtimin e 27 vjetorit të gjenocidit në Srebrenicë.

Me këtë rast, Abazoviç tha se njerëzimi u vra në këtë vend më 11 korrik 1995, por se Bosnja vazhdon të jetojë dhe theksoi se të kaluarën nuk mund ta ndryshojmë, por të ardhmen mund ta ndryshojmë.

“Sot, 27 vjet më vonë, fryma e urrejtjes, mosmarrëveshjes dhe ndarjes jeton në Ballkan, e cila për fat të mirë nuk manifestohet në ngjarjet e luftës, por manifestohet në politika që janë të mbushura me gjuhë urrejtjeje ose mohim të së vërtetës dhe fakteve. “, tha Abazoviç.

Në emër të Qeverisë, ai u përul para të gjithë viktimave, përkrahu familjet dhe tha se beson se “vetëm së bashku mund të ndërtojmë një të ardhme shumë më të mirë”.

Në delegacionin malazez janë ministri i Drejtësisë Marko Kovaç, zëvendëskryeministri për Politikë të Jashtme, Integrime Evropiane dhe Bashkëpunim Rajonal dhe Ministrja e Çështjeve Evropiane Jovana Maroviq, Ministri i Administratës Publike Maraš Dukaj dhe Ministri i Kulturës Masha Vlaoviq.

Në Potoçari ndodhet edhe zëvendëskryeministri dhe ministri i investimeve kapitale, Ervin Ibrahimoviç. Emri i tij nuk gjendet në platformën zyrtare të Qeverisë që u miratua të premten.

dritan abazovic masakra e srebenices

Sondazh

Poll

MË SHUMË