Bota

Putin drejt titullit Perandor? Aleatët e tij: Është sundimtari ynë, mos e quani president

LDPR ka argumentuar në mediat ruse se titulli aktual “President” i Putinit në fakt u krijua për herë të parë në SHBA në shekullin e 18-të dhe “Pravitel” duhet të përdoret në vend të tij pavarësisht nga konotacionet e tij autokratike. Car është një shkallë më lart Pravitel, pasi nënkupton “Perandor”.

11 Korrik 2022, 11:44 Nga e.k
Putin drejt titullit Perandor? Aleatët e tij: Është sundimtari
Vladimir Putin

MOSKË- Aleatët e Kremlinit kanë kërkuar që Vladimir Putin të cilësohet si “Sundimtari” i vendit dhe jo si titulli i tij aktual “President”.

Partia Liberal Demokratike (LDPR) ka sugjeruar përdorimin e “Pravitel”, një titull rus, pasi i përshtatet më shumë statusit dhe rolit të Putinit.

Partia e krahut të djathtë ka 22 vende nga 450 në parlamentin e vendit dhe aktualisht përdoret nga Kremlini për të përhapur butësisht idetë e tij më radikale dhe për të mbledhur prova mbi popullaritetin e tyre.

Mediat e huaja shkruajnë se LDPR ka argumentuar në mediat ruse se titulli aktual “President” i Putinit në fakt u krijua për herë të parë në SHBA në shekullin e 18-të dhe “Pravitel” duhet të përdoret në vend të tij pavarësisht nga konotacionet e tij autokratike. Car është një shkallë më lart Pravitel, pasi nënkupton “Perandor”.

Termi President nisi të përdorej vetëm pas rënies së Bashkimit Sovjetik, kur Mikhail Gorbachov u identifikua si presidenti i vendit.Përpara kësaj, liderët e BRSS njiheshin si Kryetar i Partisë Komuniste ose Sekretar i Përgjithshëm. Kritikët e Putinit kanë argumentuar se ai tashmë ka fuqi totale në Rusi dhe sundon si një car autokratik. Kjo vjen pasi Putini është duke “përgatitur sulme të reja në Ukrainë ndërsa lëviz rezervat përmes Rusisë në kufirin me Ukrainën.

vladimir putin

Sondazh

Poll

MË SHUMË