Aktualitet

Mashtronin të huajt përmes bursave në call centër, Gjykata liron me kusht tre të arrestuarit

Enrik Shehi 29 vjeç (administratori), Armend Haxhiu 26 vjeç dhe Igli Isufaj 20 vjeç fituan lirinë me kusht, për t’u paraqitur pranë autoriteteve, ndërsa togat e zeza konsideruan si të ligjshëm arrestimin e tyre.

11 Korrik 2022, 13:00 Nga e.k
Mashtronin të huajt përmes bursave në call centër, Gjykata
Foto ilustruese

TIRANË- Gjykata e Tiranës ka pranuar kërkesën e Prokurorisë së Tiranës për të caktuar masën “detyrim paraqitje” ndaj 3 të rinjve që u arrestuan dy ditë më parë nga policia, pasi mashtronin të huajt për të investuar në bursa fiktive në Call Center.

Enrik Shehi 29 vjeç (administratori), Armend Haxhiu 26 vjeç dhe Igli Isufaj 20 vjeç fituan lirinë me kusht, për t’u paraqitur pranë autoriteteve, ndërsa togat e zeza konsideruan si të ligjshëm arrestimin e tyre.

Gjatë operacionit për arrestimin e tyre, policia ka sekuestruar 4 aparate celulare, shuma parash të dyshuara të përfituara nga kjo veprimtari kriminale, si dhe lista me të dhënat e shtetasve të huaj që dyshohet se janë mashtruar, për të investuar në bursa fiktive.

Ndërkohë për këtë çështje u proceduan penalisht në gjendje të lirë edhe 3 operatorë të tjerë të këtij subjekti që administrohej nga Shehi.

Arrestimi i tyre u bë vetëm dy ditë më parë me datë 9 korrik pasi akuzoheshin se përmes call centër mashtronin qytetarë të huaj dhe iu merrnin paratë.

tirane enrik shehi armend haxhiu igli isufaj

Sondazh

Poll

MË SHUMË