Bota

U raportua se vajza e saj mori certifikatë praktike në MPJD pa u paraqitur, reagon Gërvalla: Ne vazhdojmë punën

Gërvalla ka reaguar me anë të një postimi në Facebook për këto raportime, duke o hedhur poshtë si mashtrime dhe duke thënë se do të vazhdojnë me punën.

8 Korrik 2022, 15:54 Nga d.a.
U raportua se vajza e saj mori certifikatë praktike në MPJD pa u
Donika Gërvalla

KOSOVË- Ministrja e Jashtme e Kosovës Donika Gërvalla ka reaguar pas raportimeve se vajza e saj 16-vjeçare, ka marrë certifikatë për kryerje të praktikës në kabinetin e MPJD-së për nevoja të shkollimit të saj në Gjermani, ndërkohë që nuk ka kryer asnjë praktikë.

Gërvalla ka reaguar me anë të një postimi në Facebook për këto raportime, duke o hedhur poshtë si mashtrime dhe duke thënë se do të vazhdojnë me punën.

“Paska nisur sot edicioni i ri i serialit “Qepimi”. Filmi i njejtë, vetëm skena ndryshon. Ne vazhdojmë punën”,- ka shkruar Gërvalla.

Portali “Demokracia.com” ka raportuar sot se Nora Schwarz, vajza 16-vjeçare e ministres Gërvalla-Schwarz, ka marrë certifikatë për kryerje të praktikës në kabinetin e MPJD-së për nevoja të shkollimit të saj në Gjermani, pa e kryer fare. Në njërin nga dokumentet e publikuar nga Demokracia.com tregohet sesi kabineti i ministres Donika Gërvalla–Schwarz shpreh gatishmëri që nxënësen Nora Schwarz nga Gjimnazi në Oelberg, Konigswinter-Oberpleis, ta angazhojë si praktikante në kabinetin e Ministrisë së Punëve të Jashtme dhe Diasporës së Republikës së Kosovës.

donika gërvalla nora schwarz kosove

Sondazh

Poll

MË SHUMË