Politike

VD- Protesta e PD! Artistë dhe pedagogë bëjnë thirrje për bashkim, Jul Deda: Do vij nga Londra

Artistë, pedagogë, profesionistë të fushave të ndryshme në diasporë dhe Shqipëri, i janë bashkuar thirrjes për protestë.

7 Korrik 2022, 09:17 Nga A.B
VD- Protesta e PD! Artistë dhe pedagogë bëjnë thirrje
Jul Deda

TIRANË- Në orën 19:00 qytetarët do të protestojnë ditën e sotme në Tiranë. Fronti Opozitar për shpëtimin e Shqipërisë, e përbërë nga të gjitha forcat politike të opozitare, shoqëria civile, personalitete dhe individë, kundërshtarë të regjimit, grupe interesi, sindikatat dhe rrethi akademik, bëjnë thirrje për bashkim në protestën e sotme të iniciuar nga kreu i Partisë Demokratike, Sali Berisha. 

Artistë, pedagogë, profesionistë të fushave të ndryshme në diasporë dhe Shqipëri, i janë bashkuar thirrjes për protestë. Nëpërmjet videomesazheve të tyre ata kanë bërë thirrje për pjesmarrje masive të çdokujt që është prekur nga padrejtësia shtetërore.

"Protestoni për veten, familjen dhe kombin. Edi Rama ka plan shpopullimin e Shqipërisë, ndaj do të reagojmë më 7 korrik", është mesazhi i tyre.

Gjergj Lleshaj, emigrant në Gjermani, Uliks Elezaj sipërmarrës në SHBA dhe aktori Julian Deda, u drejtohen shqiptarëve me thirrjen për bashkim kundër vjedhjeve qeveritare, korrupsionit dhe abuzimeve, rrënimit të jetës së qytetarëve dhe ikjes masive të të rinjve.

"Ju flas nga Londra, ku ka shumë lëvizje, por ku kam takuar shumë shqiptarë të cilët kanë braktisur atdheun sepse i mungon shpresa, i mungon puna, i mungon paraja, i mungon mirëqënia... Prandaj kanë ardhur këtu dhe unë i takoj përditë. Shpopullimi i këtij vendi, i vendit tonë, atdheut tonë, është gjëja më dramatike që mund të na ndodhte neve dhe sigurisht përgjegjës për këtë është gjithë politika, por sigurisht kohët e fundit është Edi Rama, mor miq. Dhe nuk mendoj se ka njeri tjetër në këtë botë t’i ketë bërë keq më shumë Shqipërisë sesa ‘Piktori’!  As diskutohet fare! Dhe unë prandaj do të jem në protestë.  Do të nisem nga këtu dhe shpresoj të jeni edhe ju. Shikojini këto foto pas kësaj videoje dhe diku do ta gjeni veten dhe ju për të qenë në protestë. Data 7 i shtati, ora 7!”- thotë aktori i humorit Jul Deda.

protesta e pd 7 korrik 2022 julian deda

Sondazh

Poll

MË SHUMË