Politike

'Lekët, ose s'ka varr për t'u prehur'/ Veliaj: Kishim 3 vite që kërkonim zbulimin e grupit

Në mbledhjen e Këshillit Bashkiak, Erion Veliaj tha se fenomeni ishte i trashëguar.

6 Korrik 2022, 18:23 Nga k.m.
'Lekët, ose s'ka varr për t'u prehur'/ Veliaj:
Erion Veliaj

TIRANË- Kryetari i Bashkisë së Tiranës, Erion Veliaj falenderoi organet ligjzbatuese për vënien para drejtësisë të disa punonjësve dhe drejtorit të varrezave të Tufinës, të cilët merrnin para për një vend për të ndjerët. Në mbledhjen e Këshillit Bashkiak, Veliaj tha se fenomeni ishte i trashëguar. Ndërsa i kërkoi si Policisë së Shtetit, ashtu edhe Prokurorisë së Tiranës që të vendosnin para ligjit të gjithë shkelësit.

"Falënderoj Prokurorinë dhe Policinë e Tiranës për ndihmën. Te varrezat e Tufinës kemi pasur një shqetësim prej kohësh, ku një komunitet sekserësh, të trashëguar prej vitesh, prenotonin varre. Varrezat janë publike, nuk janë private. Ka një ligj që lejon varreza private dhe kush do që të bëjë varreza private duhet të ndjekë procedurat ligjore, të prenotojë toka, varre familjare dhe gjithçka tjetër, por jo në varrezat publike. Nuk e di nëse ata 6-7 të arrestuarit janë fajtorë, këtë duhet ta thotë policia, por shprehja “kush i bën varrin tjetrit, bie vetë brenda” në këtë rast nuk është vetëm metaforë. Dua t’i kërkoj policisë dhe prokurorisë të vazhdojnë bashkëpunimin me Bashkinë e Tiranës. I falenderoj edhe drejtuesit e Prokurorisë së Tiranës, edhe drejtuesit e Policisë së Tiranës për ndihmën që na dhanë,"-tha Erion Veliaj.

Drejtori i Varrezave në Bashkinë Tiranë, Eljodor Ndini është ‘djegur’ nga një episod ku është është kapur duke marë para dhe euro, në këmbim të shitjes së një sipërfaqe toke për qëllime varrimi në Tufinë. Në përgjimin e bisedave të Ndinit, ka rezultuar e provuar se ushtronte ndikim të paligjshëm tek funksionarë të ndryshëm të institucioneve shtetërore, duke mundësuar nxjerrjen e lejeve të ndërtimit dhe rindërtimit nga tërmeti pranë Bashkisë Tiranë, kundrejt pagesës 2 milion lekë të vjetra. Nxjerrjen e çertifikatave të pronësisë pranë zyrës së Agjensisë Shtetërore të Kadastrës, përfitimin e çertifikatave të vaksinimit “Covid 19” sikur personat përfitues ishin vaksinuar kundrejt pagesës në vlerën 300 mijë lekë të vjetra. Gjithashtu Ndini ndërhynte dhe mundësonte nxjerrjen e kredisë së butë pranë bashkisë së Tiranë.

erion veliaj tirane

Sondazh

Poll

MË SHUMË