Aktualitet

E RËNDË! Moti i keq në Sarandë rrëzon mbajtëset e kalçetos, vdes një 22-vjeçar

I riu, i identifikuar si Armando Kazma, u lëndua teksa po luante në një kalçeto, ku si pasojë të motit të keq, mbajtëset e kalçetos i ranë mbi trup e kokë duke i lënduar rëndë.

4 Korrik 2022, 21:27 Nga k.m.
 
E RËNDË! Moti i keq në Sarandë rrëzon mbajtëset e
Pamje nga vendi i ngjarjes

SARANDË- Një 22-vjeçar ka ndërruar jetë mbrëmjen e sotme si pasojë e motit të keq në Sarandë. I riu, i identifikuar si Armando Kazma, u lëndua teksa po luante në një kalçeto, ku si pasojë të motit të keq, mbajtëset e kalçetos i ranë mbi trup e kokë duke i lënduar rëndë.

Ngjarja u regjistrua rreth orës 20:50 në zonën e quajtur “Ura e Gajdarit”. I riu u dërgua me urgjencë në spital, por nuk ka mundur t’i mbijetojë plagëve të marra, duke ndërruar jetë disa minuta pasi është dërguar në urgjencën e spitalit të Sarandës.

"Sot, rreth orës 20:50, në vendin e quajtur "Ura e Gajdarit", si pasojë e motit të përkeqësuar, është rrëzuar tenda mbrojtëse e një kalçetoje sportive dhe për pasojë është dëmtuar shtetasi A. K., rreth 22 vjeç, i cili është transportuar menjëherë në spital për ndihmë mjeksore. Në vendngjarje ndodhet grupi hetimor dhe po punon për zbardhjen e plotë të rrethanave të ngjarjes,"- njofton Policia. Megjithatë hetimet vazhdojnë për të zbuluar shkakun e vërtetë të vdekjes së tij.

Mbrëmjen e sotme, për jo më shumëse 10 minuta qyteti bregdetar i Sarandës u përfshi nga reshje të shumta shiu dhe erë e fortë, që shkaktuan kaos në qytet. Ujërat e zeza shpërthyen, ndërsa u thyen edhe disa pemë në qytet, të cilat dëmtuan edhe një shtëpi. Por më e rënda, shkaktoi vdekjen e një të riu.

sarande vdes armando kamza

Sondazh

Poll

MË SHUMË