Aktualitet

Votat e Zenelit ia kaluan Gështenjës, 'detyrim paraqitje' për 6 të arrestuarit! Arrestohet 1 tjetër

Po ashtu, sot, në Gjykatën e Elbasanit seanca, ku 6 të arrestuarit e tjerë, Erald Karriqi, Ylli Kuka, Durim Alla, Erjon Dashi, Mili Vasku dhe Olgert Alla, të cilët janë njohur me masat e sigurisë.

2 Korrik 2022, 09:43 Nga d.a.
Votat e Zenelit ia kaluan Gështenjës, 'detyrim paraqitje'
gjykata e elbasanit

LIBRAZHD- Një tjetër numërues i Komisioneve të Zonave të Administrimit Zgjedhor në Librazhd është vënë në pranga, duke çuar në 7 numrin e të arrestuarve që akuzohen për korrupsion dhe falsifikim rezultati në 2 qendra votimi në zgjedhjet parlamentare. Sot, në pranga ka përfunduar Oltion Bajrami, teksa vijon të jetë në kërkim Eduart Zito.

Po ashtu, sot, në Gjykatën e Elbasanit seanca, ku 6 të arrestuarit e tjerë, Erald Karriqi, Ylli Kuka, Durim Alla, Erjon Dashi, Mili Vasku dhe Olgert Alla, të cilët janë njohur me masat e sigurisë.

Ndaj tyre togat e zeza kanë vendosur masën ‘detyrim paraqitje’, edhe pse Prokuroria kishte kërkuar 'arrest me burg'. Pas hetimeve, rezultoi se gjatë procesit të këqyrjes së fletëve të votimit rezultoi se anëtarët e grupeve të numërimit që kanë numëruar votat për këto qendra, kanë shënuar në tabelën e rezultatit të grupit të numërimit numër më të vogël votash për Lefter Gështenjën nga sa kishte marrë realisht.

Por janë justifikuar se e kanë bërë nga lodhja dhe jo qëllimisht.

Të gjithë u arrestuan 3 ditë më parë për ndryshime të rezultatit, ku votat për një kandidat i kanë kaluar një kandidati tjetër brenda partisë, duke i hequr vota kandidatit Ardjan Zeneli për t’ja kaluar ato Lefter Gështenjës. Përkatësisht Zenelit i janë hequr 31 vota në qendrën e votimit nr. 2780 dhe 38 vota në qendrën e votimit nr. 2796, pra 69 vota gjithsej. Falsifikimi i rezultatit është vënë re nga Komisioni Qendror i Zgjedhjeve.

zgjedhjet 25 prill 2021 ylli kuka erald karriqi durim alla erjon dashi mili vasku olgert alla

Sondazh

Poll

MË SHUMË