Politike

Akti normativ/ Gjylameti: Efektet do ia shikojmë muajt e fundit të vitit, nuk është rast për t'u votuar kundër

Gjylameti kërkoi nga deputetët e opozitës që të mos votojnë kundër aktit normativ.

30 Qershor 2022, 11:42 Nga A.B
Akti normativ/ Gjylameti: Efektet do ia shikojmë muajt e fundit të
Blerina Gjylameti

TIRANË- Deputetja e Partisë Socialiste, Blerina Gjylameti kërkoi nga deputetët e opozitës që të mos votojnë kundër aktit normativ “Për kompensimin financiar të çmimit për disa materiale ndërtimi, sipas përcaktimeve në kontratat publike për punë, si pasojë e situatës së veçantë, të krijuar në treg gjatë vitit 2022”. Nga foltorja e Kuvendit, Gjylameti tha se efektet e aktit normativ do të shikohen në muajt e fundit të këtij viti. 

'Çoroditje totale për këtë diskutim. Ka një coroditje se nuk dini të drejtoni ato që ju kanë votuar. është bërë për mbështetje për bizneset, për familjet që nuk kanë mundësi. Dëgjuam nga ju të njëjtat diskutime, ndani mendjen se për cfarë do të diskutoni. Efektet do ia shikojmë në muajt e fundit të vitit e do të shikojmë se do të na japë mundësi për familjet e biznesin. Nuk mund të zhvillohet turizmi nëse nuk ka infrastruktë, nuk mund të zhvillohet bujqësia nëse nuk ka investime. 

Pa dashur të diskutojmë të njëjtat çështje, them që  shikojeni me vëmendje aktin normativ, nuk është rast për të ngritur dorën e për të votuar kundër, është një rast që njerëzit duhet të marrin vendime të jashtëzakonshme.'- tha deputetja. 

seance plenare 30 qershor 2022 blerina gjylameti

Sondazh

Poll

MË SHUMË