Art&Argëtim

Akuzat për abuzimit seksual vërtetohen, këngëtari dënohet me 30 vjet burg

The guardian shkruan se dënimi i Kelly është parë si një fitore për të mbijetuarit e dhunës seksuale, veçanërisht për ata që mund të hezitojnë të flasin kundër abuzuesve, nga frika e ndëshkimit.

29 Qershor 2022, 21:53 Nga I.A

Akuzat për abuzimit seksual vërtetohen, këngëtari

R Kelly

SHBA- Këngëtari R Kelly u dënua me 30 vjet burg të mërkurën për abuzim seksual të grave, vajzave dhe djemve, më shumë se 20 vjet pasi u përball me akuzat për herë të parë. The guardian shkruan se dënimi i Kelly është parë si një fitore për të mbijetuarit e dhunës seksuale, veçanërisht për ata që mund të hezitojnë të flasin kundër abuzuesve, nga frika e ndëshkimit.

Shtatorin e kaluar, një juri në qytetin e Nju Jorkut e shpalli Kelly fajtore për trafikim seksual dhe shantazh, në të nëntë akuzat kundër tij. Të mërkurën, gjykatësja e qarkut amerikan Ann Donnelly vendosi dënimin në gjykatën federale në Bruklin, pasi dëgjoi disa të mbijetuar të cilët dëshmuan se si shfrytëzimi i Kelly-t jehoi gjatë gjithë jetës së tyre.

Në gjyq, viktimat kishin përshkruar se si Kelly, emri i vërtetë Robert Sylvester Kelly, i nënshtronte tekat perverse dhe sadiste që kur ishin të mitura. Disa thanë se ai do të kërkonte që ata tu binden rregullave të tilla si nevoja për lejen e tij për të ngrënë ose për të shkuar në banjë dhe për të shkruar "letra faljeje" që pretendonin ta lironin atë nga keqbërjet.

r kelly denohet r kelly