Bota

"Sot po hapim një faqe të re", Abazoviç në Serbi, Brnabiç: Duam të rivendosim marrëdhënie dypalëshe

Mbledhja e delegacioneve të Qeverisë së Serbisë dhe Qeverisë së Malit të Zi është mbajtur në orën 10:45, ndërsa pas takimit, kryeministrja serbe Ana Brnabiç dhe Abazoviç kanë mbajtur një konferencë të përbashkët shtypi për gazetarët.

29 Qershor 2022, 13:17 Nga d.a.
"Sot po hapim një faqe të re", Abazoviç në
Abazoviç dhe Brnabiç

SERBI- Kryeministri i Malit të Zi Dritan Abazoviç gjatë vizitës së tij zyrtare është pritur para Pallatit të Serbisë me një batalion të rreshtuar të Gardës dhe me intonimin e himneve të dy vendeve.

Mbledhja e delegacioneve të Qeverisë së Serbisë dhe Qeverisë së Malit të Zi është mbajtur në orën 10:45, ndërsa pas takimit, kryeministrja serbe Ana Brnabiç dhe Abazoviç kanë mbajtur një konferencë të përbashkët shtypi për gazetarët.

Kryeministrja serbe tha se kjo vizitë është shumë e rëndësishme për ta pasi duan që të rivendosin marrëdhëniet midis Serbisë dhe Malit të Zi. 

"Nuk jemi më afër se Mali i Zi, as politikisht dhe as ekonomikisht, na lidhin lloj-lloj marrëdhëniesh. Ne do të jemi të hapur këtu në Serbi për të zgjidhur çështjet."-tha Brnabiç.

Ndërkohë Abazoviç është shprehur se vizita e tij sot tregon gatishmërinë për të nisur një faqe të re të historisë dypalëshe dhe për të ngritur marrëdhëniet mes dy qeverive.

"Dëshiroj të shpreh nderin dhe kënaqësinë time të madhe që më dërguat ftesën. Sot jemi këtu për të kthyer një fletë të re, për të ngritur marrëdhëniet mes dy qeverive në nivelin më të lartë të mundshëm. Besoj se sot ka filluar një cikël i ri"- tha Abazoviç. 

Abazoviç u shpreh se ka ardhur koha që Ballkani Perëndimor të trajtohet ndryshe dhe se marrëdhëniet në rajon duhet të jenë shumë më të mira se më parë.

"Rajoni i Ballkanit Perëndimor nuk duhet të njihet më si problematik, por si një rajon që mund të negociohet, që dëshiron të ecë përpara. Besoj se ka ardhur momenti që disa gjëra duhet të kapërcehen për të mirën e përbashkët" - theksoi Abazovic.

Abazoviç u shpreh se marrëdhëniet në rajon duhet të jenë më të mira se më parë dhe se duhet të bëjnë çmos për të relaksuar marrëdhëniet në rajon, për t'u njohur si rajon që dëshiron të ecë përpara, që dëshiron të marrë tema ekonomike, për të ndryshuar të ardhmen.

dritan abazoviç ne serbi ana brnabiç

Sondazh

Poll

MË SHUMË