Bota

Kryeministri i Spanjës: Rusia ka kaluar nga partneri strategjik i NATO-s në një kërcënim

Sekretari i Përgjithshëm i NATO-s, Jens Stoltenberg gjithashtu kujtoi se në vitin 2010, në Samitin e NATO-s në Lisbonë, Rusia mori pjesë në takime atje.

29 Qershor 2022, 10:25 Nga j.c

Kryeministri i Spanjës: Rusia ka kaluar nga partneri strategjik i NATO-s

Pedro Sanchez

SPANJË- Kryeministri spanjoll Pedro Sanchez tha sot se në vetëm një dekadë, marrëdhënia e NATO-s me Rusinë ka ndryshuar nga një partneritet në një kërcënim kyç.

"Nëse shikojmë prapa në vitin 2010, koncepti strategjik i NATO-s i dekadës së kaluar u miratua në Lisbonë. Ajo e quajti Rusinë një partner strategjik. Tani, në të kundërt, koncepti strategjik (NATO) i Madridit do ta quajë Rusinë kërcënimin kryesor për aleatët,”- tha Sanchez në një intervistë për radion spanjolle SER, pak para seancës hapëse të Samitit të NATO-s në Madrid.

Sipas CNN, me të mbërritur në samit, Sekretari i Përgjithshëm i NATO-s, Jens Stoltenberg gjithashtu kujtoi se në vitin 2010, në Samitin e NATO-s në Lisbonë, Rusia mori pjesë në takime atje. Stoltenberg tha se ai mendon se liderët e NATO-s në Madrid do të bien dakord "që Rusia përbën një kërcënim të drejtpërdrejtë për sigurinë tonë dhe kjo do të reflektohet" në konceptin e ri strategjik të NATO-s.

"Koncepti strategjik do të pasqyrojë gjithashtu një realitet të ri,"-tha ai.

pedro sánchez jens stoltenberg samiti i nato-s samiti i nato ne madrid