Aktualitet

Banda e shqiptarëve në Itali, policia i 'zbërthen': I pret gjithmonë një makinë, hapin vrima e shtrëngojnë bravat

Ata kishin krijuar një organizatë të aftë për të grabitur banorët dhe turistët, duke u futur brenda shtëpive dhe hoteleve të Valdisieve.

29 Qershor 2022, 09:20 Nga A.B
Banda e shqiptarëve në Itali, policia i 'zbërthen': I
Policia italiane

ITALI- Tre shqiptarë të moshave 46, 49 dhe 53 vjeç janë arrestuar në Itali pasi dyshohet se janë pjesë në një bandë që merrej me vjedhjen e apartamenteve. Sipas mediave italiane, grupi i shqiptarëve ishin të specializuar në vjedhjen e apartamenteve midis provincave toskane të Firences, Sienës dhe Arezzo. Goditjet e fundit të shënuara në Londa (qytet në provincën Firentine), megjithatë rezultuan fatale.

Ata kishin krijuar një organizatë të aftë për të grabitur banorët dhe turistët, duke u futur brenda shtëpive dhe hoteleve të Valdisieve. Gjithçka nisi dimrin e kaluar, pas disa vjedhjeve të denoncuara nga banorët e Bashkisë së Londrës, të cilat u pasuan nga raste të tjera të ngjashme të raportuara nga bashkitë jo larg. Policia më pas ka shqyrtuar fillimisht pamjet e regjistruara nga kamerat e vendosura në pronat e vjedhura. 

Policia kishte rënë në gjurmët e një makine e cila qëndronte gjithmonë në rrugë duke pritur. Pas hetimeve u zbulua se makina ishte në emër të një personi me nënshtetësi shqiptare. Pas hetimeve të tjera, u zbulua se personat që ndodheshin në mjet lëviznin në orët e vona të pasdites ose në mbrëmje pranë objektivave për t'u goditur dhe për t'u grabitur subjektet. Pas parkimit në një distancë të caktuar nga "objektivi" i zgjedhur, të huajt lëviznin në këmbë në pyjet përreth (ndonjëherë duke ndaluar me orë të tëra dhe duke pritur me durim të bjerë nata) për të vepruar ndërsa pronarët e shtëpive ose banorët ishin në gjumë.

Ata bënin vrima të vogla në përputhje me hapjet e dritareve, duke shtrënguar bravat e dyerve të hyrjes dhe duke u futur brenda ndërtesave. Dhe pasi fshihnin sendet e vjedhura, ata kthehen në Firence.

policia italiane arrestohen shqiptaret ne itali itali

Sondazh

Poll

MË SHUMË