Bota

Rritja e pagave, Kurti: Kam ardhur në pushtet me sloganin për të punësuar qytetarët

Duke folur për mungesën e rritjes së rrogave minimale, Kurti tha se qeveria e tij është fokusuar më së shumti te punësimi i qytetarëve. 

27 Qershor 2022, 23:44 Nga I.A
Rritja e pagave, Kurti: Kam ardhur në pushtet me sloganin për të
Albin Kurti

TIRANË- Kryeministri i Kosovës Albin Kurti ka folur në lidhje me zhvillimin ekonomik të Kosovës. I ftuar në emisionin 'Çim Peka Live', Kurti ka deklaruar se vetëm vitin e kaluar ka pasur një rritje ekonomike prej 10.53%. Duke folur për mungesën e rritjes së rrogave minimale, Kurti tha se qeveria e tij është fokusuar më së shumti te punësimi i qytetarëve. 

Pjesë nga biseda:

Kurti: Por Kosova ka qenie normale, është shtet normal, që ka pasur një rritje dyshifrore ekonomike vitin e kaluar prej 10.53%. Kemi rritur investimet e huaja prej 22%, eksportet për 83%, të hyrat tatimore prej 34 % pa e ndryshuar politikën fiskale, sepse kur njerëzit kanë shpresë, më shumë shpenzojnë se sa kursejnë dhe kur shohin se nuk ka skandale të korrupsionit në qeveri, paguajnë më kollaj tatime. Dhe po tregojmë se jemi një shtet normal.

Peka: I besoni realisht këto rritje ekonomike ...

Kurti: Padyshim.

Peka: Po pse nuk i rrisni pagat në këto kohë krize, kur Kosova qenka më mirë? Sepse rritja e fundit është me qeverinë Thaçi, në mos gaboj.

Kurti: Unë kam garuar për kryeministër jo me ligjin për pagat, por me sloganin, ‘Drejtësi dhe punësim’. Sipas ‘Justic Project’ Kosova është e para në Ballkan për sundimin e ligjit dhe e 60 në botë. Ndërkaq 25 mijë vend të punës i kemi shtuar vitin e kaluar, 10 mijë drejtpërsëdrejti për shkak të pakos së ‘Ringjalljes Ekonomike’. Domethënë unë dëshiroj punësimin e njerëzve dhe jo thjeshtë rritjen e pagave të punëtorëve në sektorin publik. Edhe pagën mesatare në sektorin publik e kemi më të lartën se në sektorin privat. Unë jam interesuar që të rritet mesatarja dhe shumica dërrmuese e të punësuarve, rreth 80% janë në sektorin privat. Ne dëshirojmë që edhe në sektorin publik të rritet paga, por rritja e pagës nuk duhet ta ndjekë thjeshtë rritjen në ekonomi, por duhet ta ndjekë rritjen e produktivitetit brenda rritjes ekonomike.

Peka: Nëse ju kuptova drejt ju keni për qëllim, më shumë se sa rritjen e pagës, numrin e të punësuarve?

Kurti: Padyshim, punësimi ka prioritet ndaj rritjes së pagës, sepse ne e kemi papunësinë ende të lartë.

albin kurti

Sondazh

Poll

MË SHUMË