Aktualitet

Durrësi pa ujë, UKD: Probleme nga amortizimi i rrjetit të ujësjellësit

Më shumë probleme do të kenë njësitë administrative Ishëm, Katund i Ri, Manëz dhe Sukth, si dhe një pjesë e qytetit të Durrësit, kryesisht zona e plazhit.

21 Qershor 2022, 13:01 Nga j.c
Durrësi pa ujë, UKD: Probleme nga amortizimi i rrjetit të
Foto ilustruese

DURRËS- Ujësjellës Kanalizime Durrës njoftoi paraditen e së martës se për shkak të defektit në linjën e furnizimit DN 700, pritet të ketë probleme në furnizimin me ujë të pijshëm. UKD njoftoi gjithashtu se ditën e djeshme për shkak të amortizimit tubacioni është çarë.

Më shumë probleme do të kenë njësitë administrative Ishëm, Katund i Ri, Manëz dhe Sukth, si dhe një pjesë e qytetit të Durrësit, kryesisht zona e plazhit. Ndërkohë po punohet në terren për zgjidhen e problemit.

Njoftimi i UKD:

Tubacioni DN 700 shërben për furnizimin me ujë të njësive administrative dhe një pjesë e qytetit Durrës nga vendburimi i Fushë Kuqes dhe për shkak të amortizimit të tij, ditën e djeshme ka pësuar disa çarje në segmente të ndryshme. Brigada e avarive është në terren dhe ka nisur punën për riparimin e tij.

durres durresi pa uje

Sondazh

Poll

MË SHUMË