Politike

Lëvizjet e fundit të Kajmakut, 5 ditë para arrestimit udhëtoi me avion nga Tirana në Itali

Hetuesit verifikuan se politikani shqiptar kishte udhëtuar me avion nga Tirana për në Ankona, e më pas ai shkoi në Monterubbiano dhe së bashku me nipin e tij u zhvendos me një makinë me qira.

19 Qershor 2022, 11:27 Nga A.B
Lëvizjet e fundit të Kajmakut, 5 ditë para arrestimit
Agim Kajmaku

ITALI- Pesë ditë para se të arrestohej, Agim Kajmaku, ish-kryetari i Bashkisë së Vorës, kishte udhëtuar me avion nga Tirana në Ancoa. Këto janë detajet e fundit që zbulohen nga mediat italiane. Hetuesit verifikuan se politikani shqiptar kishte udhëtuar me avion nga Tirana për në Ankona, e më pas ai shkoi në Monterubbiano dhe së bashku me nipin e tij u zhvendos me një makinë me qira.

“34-vjeçari Edmond Kajmaku, nga ana tjetër, para se të arrestohej, jetonte në Monterubbiano dhe më parë kishte qenë drejtor i UKT-së, ujësjellësit shqiptar. Pra, dy të padyshuar, një politikan dhe një ish-ekzekutiv i rëndësishëm. Megjithatë, të dy kanë lëvizur kilogramë e kilogramë me kokainë me gjoja mbështetjen e krimit të organizuar shqiptar. Të gjitha në oazin e qetë dhe të lumtur të Fermanos”.- shkruan gazeta italiane.

Ditët e fundit në portin e Durrësit është ushtruar kontroll në një prej kamionëve të kompanisë shqiptare. Aty janë zbuluar disa vende të fshehta ku dyshohet se futej droga megjithatë, brenda mjetit nuk është konstatuar asnjë sasi droge. Prandaj autoritetet dyshojnë se kjo është skema se si kanë arritur të lëvizen qindra kilogramë drogë.

Agim Kajmaku dhe nipi i tij, Edmond Kajmaku u vunë në pranga pasi u kapën me 20 kilogramë kokainë. Nëse kjo sasi do të hidhej në treg do të arrinte fitime deri në 1 milionë euro. Monterubbiano ishte kryqëzimi i kokainës, pasi sipas mediave italiane dyshohet se më pas shpërndahej në qytete të tjera në Itali ose çohej deri në Holandë. Karabinierët e gjetën drogën brenda vazove të luleve që ishin blerë nga kompania, ku Agim Kajmaku ishte aksioner, ndërsa tashmë është në pronësinë e bashkëshortes së tij. 

agim kajmaku arrestohet agim kajmaku

Sondazh

Poll

MË SHUMË