Aktualitet

Luftanija ruse vendoset përballë Shqipërisë, rriten tensionet me NATO-n

E njohur si binjakja e anijes “Moskva”, që u shkatërrua nga forcat ukrainase në Detin e Zi, “Varyag” po lundron në brigjet e Pulias.

13 Qershor 2022, 17:15 Nga d.a
Luftanija ruse vendoset përballë Shqipërisë, rriten
anija ruse

DURRËS- Një anije ushtarake e marinës ruse, e quajtur 'Varyag' është pozicionuar disa kilometra larg Salentos në Itali, në hapësirën detare midis Italisë dhe Korfuzit, jo shumë larg kufirit detar të Shqipërisë.

E njohur si binjakja e anijes “Moskva”, që u shkatërrua nga forcat ukrainase në Detin e Zi, “Varyag” po lundron në brigjet e Pulias e shoqëruar nga një anije tjetër mbështetëse, e quajtur “Admiral Tributs”, e cila e mbron atë nga sulmet e mundshme ajrore ose me nëndetëse.

Faqja “The Shipyard” ngriti alarmin të hënën, duke sqaruar se “Varyag” është anije e një prej njësive më të fuqishme shkatërruese që Moska ka vendosur në Mesdhe, në një përpjekje për të rritur tensionin me NATO-n.

Rruga e “Varyag” nuk është ende e qartë, me disa analistë që mendojnë se mund të futet në Adriatik duke qëndruar gjithmonë në brezin detar ndërkombëtar. Për t’iu kundërpërgjigjur Moskës, në Mesdhe ka mbërritur ditën e hënë aeroplanmbajtësja gjigante e SHBA-së, “Truman”.

luftanija ruse ne shqiperi

Sondazh

Poll

MË SHUMË