Aktualitet

Qëlloi me armë zjarri në Selanik, 32-vjeçari shqiptar lihet në burg, vëllai në liri

32-vjeçari akuzohet edhe për drejtim mjeti në mënyrë të rrezikshme, armëmbajtje pa leje, mbajtje municionesh, të shtëna pa qëllim, dëmtim i pasurisë së huaj.

10 Qershor 2022, 19:32 Nga I.A
Qëlloi me armë zjarri në Selanik, 32-vjeçari shqiptar
Pamje nga ngjarja

GREQI- Është dënuar me kusht 32-vjeçari shqiptar që u arrestua pas një incidenti me të shtëna me armë zjarri në zonën e Finikasit në Selanik. Protothema shkruan se ai dhe vëllai i tij akuzohen për trafik droge në bashkëpunim. 32-vjeçari akuzohet edhe për drejtim mjeti në mënyrë të rrezikshme, armëmbajtje pa leje, mbajtje municionesh, të shtëna pa qëllim, dëmtim i pasurisë së huaj.

Në kërkim të faljes, ata mohuan akuzat ndaj tyre . I pari pohoi se filloi të qëllonte pasi besonte se disa persona abuzonin me gruan e tij dhe se e kishin futur në një makinë të cilën ai nisi ta ndiqte me automjetin e tij, para se të arrestohej nga policia. Sa i përket sasive të drogës që u gjetën në banesë , të dy të pandehurit pretenduan se nuk ishin të tyret dhe se ishin vendosur nga ata që dhunonin gruan e 32-vjeçarit.

Me kërkesë të prokurorit, 32-vjeçari është lënë në arrest me burg ndërsa tjetri 29-vjeç është lënë i lirë me detyrim paraqitje në komisariat dhe ndalimit të daljes jashtë vendit. Sipas aktakuzës, 32-vjeçari pasditen e së martës ka nisur të qëllojë vazhdimisht brenda dhe jashtë pallatit ku ndodhej, në Finikas të Selanikut. Hetimet policore janë kryer në prani të prokurorit dhe gjatë tyre janë konfiskuar 23 kilogramë kanabis, 1200 gramë kokainë, si dhe 16.000 euro.

greqi lihet ne burg shqiptari ne greqi

Sondazh

Poll

MË SHUMË