Aktualitet

Aksident në Fier, makina përplasen "kokë më kokë", 3 viktima dhe 3 të plagosur

Si pasojë e aksidentit kanë humbur jetën 3 persona, një efektiv i Forcave të Ndërhyrjes së Shpejtë, Sokrat Lelaj, 54 vjeç; bashkëshortja e tij Fatbardha Lelaj, 53 vjeç dhe vjehrrja e tij 78-vjeçare Bylyre Salaj.

9 Qershor 2022, 20:40 Nga k.m.
Aksident në Fier, makina përplasen "kokë më
Pamje nga aksidenti në Fier

FIER- Një familje është shuar! 3 të vdekur dhe 3 të plagosur, ky është bilanci i aksidentit të ndodhur sot në aksin Levan-Tepelenë pranë fshatit Buzmadh të Fierit. Ngjarja ka ndodhur rreth orës 20:20, ku dy automjete tip "Opel Zafira" dhe "Ford" janë përplasur me njëri-tjetrin, për arsye që ende nuk dihen. Si pasojë e aksidentit kanë humbur jetën 3 persona, një efektiv i Forcave të Ndërhyrjes së Shpejtë, Sokrat Lelaj, 54 vjeç; bashkëshortja e tij Fatbardha Lelaj, 53 vjeç dhe vjehrrja e tij 78-vjeçare Bylyre Salaj.

Efektivi i FNSH dhe vjerra e tij ndërruan jetë në vend, ndërsa bashkëshortja e tij humbi jetën në spital. Ndërsa nga mjeti tjetër kanë mbetur të plagosur 3 anëtarë të familjes Skëndreaj: Gerti Skënderaj 43 vjeç Gladiola Meraj 31 vjeç dhe vajza e tyre 6-vjeçare.

Mësohet se drejtuesi i mjetit tip 'Opel', Gerti Skënderaj,  nga Cakrani ishte duke udhëtuar me bashkëshorten dhe vajzën e tij, ku më pas u përplas me mjetin tip 'Ford'. Ende nuk dihen shkaqet që kanë shkaktuar këtë aksident. Policia dhe grupi hetimor kanë mbërritur në vendin e ngjarjes, ku kanë nisur nga puna për të zbardhur dinamikën e plotë të ngjarjes.

aksident ne fier fier

Sondazh

Poll

MË SHUMË