Bota

"Do t'ju dënoj nëse refuzoni", dënohet me 16 vite burg prifti që abuzoi seksualisht me të miturit

Gjykatësi Ronald Coen, i cili e quajti Garcían një grabitqar seksual, tha se habitem se si këta njerëz bëjnë veprime të tilla në emër të fesë.  

9 Qershor 2022, 14:14 Nga DOSJA
"Do t'ju dënoj nëse refuzoni", dënohet me 16 vite
Naason Joaquin Garcia

MEKSIKË- Udhëheqësi i kishës meksikane La Luz del Mundo u dënua të mërkurën me më shumë se 16 vjet në një burg në Kaliforni për abuzim seksual. Naasón Joaquín García, 53 vjeç, u deklarua fajtor javën e kaluar në gjykatën e lartë të Los Anxhelosit për tre krime.

Sipas The Guardian, prokurorët thanë se Garcia, i cili konsiderohet "apostulli" i Jezu Krishtit nga 5 milionë ndjekësit e tij në mbarë botën, përdori ndikimin e tij shpirtëror për të bërë seks me gra dhe vajza të reja, të cilave u tha se do t'i çonte në shpëtimin e tyre ose dënim nëse refuzonin.

Gjykatësi Ronald Coen, i cili e quajti Garcían një grabitqar seksual, tha se habitem se si këta njerëz bëjnë veprime të tilla në emër të fesë.  

"Nuk pushoj së habituri se çfarë bëjnë njerëzit në emër të fesë dhe sa jetë janë shkatërruar nën maskën e një qenieje supreme,"-tha ai.

Dënimi erdhi pas gati tre orësh deklaratash emocionale nga pesë vajza të reja kur García u akuzua për abuzim seksual. Dikur ata kishin qenë shërbëtorët e tij më të devotshëm. Por në gjykatë ata e quajtën atë "përbindësh", "mbeturinë e neveritshme njerëzore" dhe "antikrisht".

"Unë e adhurova abuzuesin tim. Ai më përdori vazhdimisht si një qengj kurbani që merret për therje,”-tha një grua e identifikuar si Jane Doe 4.

Garcia u deklarua fajtor të premten për dy akuza për abuzim seksual me një të mitur dhe akt të turpshëm ndaj një fëmije që ishte 15 vjeç.

naasón joaquín garcía ronald coen jane doe 4

Sondazh

Poll

MË SHUMË