Sport

Blatter para “togave të zeza” në Bellinzona: "Nuk do t'u përgjigjem pyetjeve të FIFA-s"

Dita e dytë e gjyqit Blatter-Platini nisi të enjten në mëngjes, me dëgjimin e ish-presidentit të FIFA-s, i cili qëndroi në argumentet e tij dhe nuk pranoi t'u përgjigjej pyetjeve të avokatit të organizmit botëror.

9 Qershor 2022, 11:36 Nga DOSJA
Blatter para “togave të zeza” në Bellinzona: "Nuk do
Sepp Blatter, ish-president i FIFA-s

ZVICER - Me seancën e mëngjesit të kësaj të enjte, në Gjykatën Penale Federale (TPF) në Bellinzona, ka nisur dita e dytë e gjykimit të Sepp Blatter (86 vjeç) dhe Michel Platini (66 vjeç). Kjo marrje në pyetje e ish-presidentit të FIFA-s (1998-2015), e cila ishte shtyrë të mërkurën, zgjati 1 orë e 10 minuta dhe përfundoi pak para orës 10:00, me refuzimin për t'iu përgjigjur avokatit të organizmit botëror të Gjenevës.

I pyetur për faturën e famshme prej dy milionë frangash zvicerane, në zemër të kësaj dosjeje gjoja të padrejtë të pagesës, Blatter u përgjigj: “Nuk do t'u përgjigjem pyetjeve të FIFA-s, sepse që nga marsi 2016, presidenti i FIFA-s (Gianni Infantino, i cili sapo ishte zgjedhur ) nuk më është përgjigjur kurrë”,- tha Blatter, gjatë kësaj marrje të shkurtër në pyetje. 

Në hyrje të deklaratës së tij para tre gjyqtarëve të Gjykatës Penale të TPF, Blatter e konsideroi "krejt të pakuptueshme" të gjendej para një gjykate të tillë, për një dosje që, sipas tij, është një "çështje administrative, brenda një shoqatë, që do të trajtohet nga e drejta civile”.

B.T (Dosja.al)

Sondazh

Poll

MË SHUMË