Aktualitet

Pakti i Miqësisë Greqi - Shqipëri, mediat greke: Dy palët ranë dakord për rinovim 5-vjeçar

Qeveria shqiptare është pro rinovimit, për pesë vjet, të Paktit të miqësisë, bashkëpunimit, fqinjësisë së mirë dhe sigurisë midis Greqisë dhe Shqipërisë, bëjnë të ditur burimet diplomatike greke.

6 Qershor 2022, 11:47 Nga A.B
Pakti i Miqësisë Greqi - Shqipëri, mediat greke: Dy palët
Qeveria greke

GREQI- Qeveria shqiptare është pro rinovimit të marrëveshjes pesëvjeçare për miqësinë, bashkëpunimin, fqinjësinë e mirë dhe sigurinë me Greqinë, bëjnë të ditur burimet diplomatike greke. 

Ky pakt u nënshkrua mes dy vendeve në vitin 1996 dhe kishte një kohëzgjatje fillestare, nga dita e zbatimit, 20 vjet, e cila përfundoi në vitin 2018. Më pas u rinovua për një periudhë pesëvjeçare, deri në vitin 2023. Në funksion të skadimit të këtij rinovimi, të dyja palët ranë dakord për rinovimin e tij edhe për pesë vite të tjera.

Ky zhvillim është pjesë e përmirësimit të vazhdueshëm të klimës në marrëdhëniet mes dy vendeve, gjë që u la të kuptohet gjatë vizitës së Ministrit të Jashtëm Nikos Dendias në Tiranë në tetor si dhe takimit të tij të fundit me kryeministrin shqiptar Edi Rama para pak javësh. 

Sondazh

Poll

MË SHUMË