Aktualitet

Tentohet të grabitet një minierë në Bulqizë, arrestohet një person, një tjetër në kërkim

Janë gjetur dhe sekuestruar në cilësinë e provës materiale, dy kapsolla detonatore dhe disa vegla pune, të vjedhura më parë.

6 Qershor 2022, 11:21 Nga F.M

Tentohet të grabitet një minierë në Bulqizë, arrestohet

BULQIZË- Dy persona kanë tentuar të grabisin një minierë në Bulqizë. Bëhet fjalë për Basri Biçin dhe Indrit Vucajn. Mësohet se dyshja janë futur gjatë natës në një prej minierave të Bulqizës duke shpërthyer hyrjen me detonatorë. Në pranga është vënë Biç, 33 vjeç, ndërsa Vucaj, 28 vjeç është në pranga. Në njoftim bëhet me dije se janë gjetur dhe sekuestruar në cilësinë e provës materiale, dy kapsolla detonatore dhe disa vegla pune, të vjedhura më parë.

Njoftimi i policisë: Tentuan të vidhnin në një subjekt minerar, falë reagimit të menjëhershëm të Policisë arrestohet në flagrancë autori i dyshuar dhe shpallet në kërkim një shtetas tjetër. Në vijim të punës për parandalimin e vjedhjes së pronës, zbardhjen e atyre të ndodhura më parë dhe kapjen e vënien para përgjegjësisë ligjore të autorëve të tyre, specialistët për Hetimin e Krimit të Komisariatit të Policisë Bulqizë arrestuan në flagrancë shtetasin B. B., 33 vjeç, si dhe kanë shpallur në kërkim shtetasin I. V., 28 vjeç, të dy banues në Bulqizë, pasi, në bashkëpunim me njëri-tjetrin, kanë tentuar të vjedhin disa mjete pune në pronësi të një subjekti minerar, në zonën e Martaneshit.

Gjatë kontrollit të ushtruar në banesën e shtetasit B. B., janë gjetur dhe sekuestruar në cilësinë e provës materiale, dy kapsolla detonatore dhe disa vegla pune, të dyshuara të vjedhura më parë nga ky shtetas. Vijon puna për lokalizimin dhe kapjen e shtetasit tjetër të shpallur në kërkim. Materialet procedurale i kaluan Prokurorisë pranë Gjykatës së Shkallës së Parë Dibër, për veprat penale “Vjedhja”, mbetur në tentativë, kryer në bashkëpunim, “Mbajtja pa leje dhe prodhimi i armëve, armëve shpërthyese dhe i municionit” dhe “Shkatërrimi i pronës”.

Sondazh

Poll

MË SHUMË