Politike

PRESIDENT/ Berisha: Nesër Rama zgjedh kukullën e tij

Lideri historik i PD-së tha se kush mohon genocidet është kriminel

3 Qershor 2022, 17:40 Nga F.M

PRESIDENT/ Berisha: Nesër Rama zgjedh kukullën e tij

Sali Berisha

TIRANË- Kryetari i Partisë Demokratike Sali Berisha ka komentuar dhe zgjedhjen e Presidentit të ri. nga selia blu, Berisha tha se Rama do të firmosë me votat e vjedhura kukullën e tij. Ish-kryeministri dhe lideri historik i PD-së tha se kush mohon genocidet është kriminel, referuar rezolutave që ka dorëzuar për masakrën e Srebenicës dhe atë të Kosovës.

“Ata kërkojnë të mos dorëzohemi dhe të luftojmë për kafshatën e tyre, të mbrojmë ata nga një klikë plaçkitëse që nuk ka asnjë qëllim tjetër përveç pasurimit të vet. Ata kërkojnë nga ne që tu dalim zot për interesin kombëtar, t’i dalim zot kryeqytetit dhe të mos pranojmë kurrë që Tirana të shndërrohet në Beogradin e vogël për shqiptarët. Kërkojnë që të mos pranojmë kurrë që Rama, ky Dumani i pushtetit të shkelmojë mbi ta. Ka një thirrje, për çdo shqiptar, t’i dalim zot interesit tonë kombëtar. Shqipëria është rrokullisur, asnjë interes tjetër për shqiptarët nuk mund të mbrohet para se të mbrohet interesi kombëtar i tyre. Është e domosdoshme që të fillojë menjëherë, që të dalim në fushë betejë. Nuk mund të kemi në këmbë një parlament që mohon gjakun e shqiptarëve. Situata është më alarmante se kurrë. E mbyllim këtë fjalë timen, tek mbarë anëtarët. Nesër Edi Rama firmos me votat e vjedhura pushtetin e tij 100 në Shqipëri. Zgjedh kukullën e tij, pra zhvillimet janë dramatike, por qëndrimi ynë duhet më i vendosur dhe më i fuqishëm ndaj një regjimi armiqësor. Kam besim te anëtarët e partisë se sdo pranojmë kurrë këtë plaçkitje të pangopshme të qytetarëve shqiptare. Nuk do të pranojmë këtë shkelmim para botës së qytetëruar. Kush mohon gjenocidin, është kriminel, prandaj duhet të ngrihemi sa më shpejt, deri në triumph,”- tha Berisha.