Sport

Akuzohet për korrupsion, kërkohen 18 muaj burg për “Thembrën e Allahut”...

Ish-futbollisti i kombëtares algjeriane, Rabah Madjer, kampion i Europës me Porton, ka përfituar në mënyrë të paligjshme nga agjensia kombëtare për botimin e reklamave

3 Qershor 2022, 06:10 Nga DOSJA
Akuzohet për korrupsion, kërkohen 18 muaj burg për

ALGJERI - Gjykata në Algjer kërkoi 18 muaj burg pas akuzave për korrupsion, kundër ish-futbollistit Rabah Madjer, fitues i Champions League me Porto në vitin 1987, falë golit të tij në thembrë kundër Bayern Munich, i cili i dha atij nofkën "Thembra e Allahut". Kjo është ajo që raporton një burim i pranishëm në gjyq për ‘ANSA’, duke shtuar se një gjobë prej 100 mijë dinarë (e barabartë me 640 Euro) ishte kërkuar gjithashtu ndaj Madjer.

Agjencia kombëtare për botimin e reklamave (një organ qeveritar përgjegjës për shpërndarjen e reklamave në gazeta), kishte ngritur një ankesë civile kundër ish-futbollistit, së bashku me Ibrahim.M, një nga partnerët e tij në gazetën Al-Balagh, të cilën ai e zotëronte gjatë epokës kur vendi ishte udhëhequr nga Abdelaziz Bouteflika i ndjerë. Agjencia kombëtare e botimit dhe reklamave ka kërkuar kompensim për dëmet në sasinë prej 4 milion dinarësh (25.641 euro).

Për Rabah Madjer akuzat e ngritura ishin mashtrimi, vjedhja e identitetit, deklarimet e rreme dhe fallsifikimi. Ish-futbollisti, dhe më pas trajner edhe i kombëtares algjeriane, kishte përfituar në mënyrë të paligjshme, sipas akuzës nga shpërndarja e reklamave të agjencisë algjeriane për botim.

Madjer është i njohur për golin e tij të famshëm me thembër me Porton në finalen e Champions League në vitin 1987, me kombëtaren e vendit të tij në vitin 1990, kishte fituar edhe Kupën e Kombeve të Afrikës, e organizuar nga Algjeria. Ish-futbollisti ishte gjithashtu i afërt me rrethimin e ish-presidentit Bouteflika, i përmbysur nga një kryengritje popullore në prill 2019 dhe në veçanti i të vëllait të tij, Said, që aktualisht është në burg me akuza korrupsioni.

B.T (Dosja.al)

Sondazh

Poll

MË SHUMË