Politike

Skandali me pasaportat, reagon Ministria e Jashtme: Kemi nisur hetim për përgjegjësit

22 Shkurt 2019, 17:58 Nga DOSJA
Skandali me pasaportat, reagon Ministria e Jashtme: Kemi nisur hetim për

Tiranë- Ministria e Jashtme ka reaguar lidhur me rastin skandaloz të publikuar nga mediet një ditë më parë, lidhur me transportin e pasaportave me çantë rrobash dhe më pas vjedhjen e tyre në Athinë. (Lexo këtu)

Me anë të një deklarate për shtyp, Ministria e Jashtme pranon se pasaportat po transportoheshin jo në përputhje me praktikat e rregullta që ndiqen për pakot diplomatike. Ministria e Jashtme shprehet, se për këtë si dhe për humbjen e tyre në Athinë ka nisur menjëherë të gjitha procedurat hetimore dhe administrative për të ndëshkuar në mënyrë rigoroze, sipas shkallës së shkeljes, përgjegjësit për këto praktika që shkojnë në kundërshtim me rregullat dhe ligjet në fuqi.

Po ashtu ministria shprehet se shqiptarët e prekur nga ky rast do të aplikojnë pa pagesë.

“Ministria për Evropën dhe Punët e Jashtme ka udhëzuar të gjitha instancat e nevojshme që qytetarët e prekur nga dëmi i shkaktuar të ri-aplikojnë pa shpenzime dhe lëshimi i pasaportave të reja të bëhet me urgjencë”, – thuhet ndër të tjera në njoftim.

Deklarata e plotë e Ministrisë për Europën dhe Punët e Jashtme

Ministria për Evropën dhe Punët e Jashtme informon sa më poshtë lidhur me rastin e bllokimit të pasaportave shqiptare në Kakavijë dhe humbjen e 100 prej këtyre pasaportave në Greqi:

Në datë 13 shkurt, pasaportat e prodhuara nga kompania ALEAT po transportoheshin drejt Greqisë të ambalazhuara jo në përputhje me praktikat e rregullta të transportimit të pakove diplomatike. Nisur nga ky fakt autoritetet doganore greke, në pikën e kalimit kufitar të Kakavijës, kryen verifikimin e rastit dhe bllokuan pakon me të cilën transportoheshin pasaportat.

Pako me pasaportat shqiptare, u zhbllokua pas verifikimit të tyre dhe takimit të përfaqësuesve të Konsullatës së Përgjithshme të RSH-së në Janinë me autoritetet doganore greke. Theksojmë se ngarkesa ka qenë e shoqëruar me një dokumentacion autorizues të Ambasadës së Republikës së Shqipërisë në Athinë, me anë të të cilit autorizohej një punonjëse e Kompanisë “Top Lines” të dorëzonte aplikimet dhe të tërhiqte pasaportat dhe kartat ID pranë Kompanisë ALEAT, për llogari të Ambasadës sonë në Athinë.

Dërgesa i është dorëzuar përfaqësuesve diplomatikë të Konsullatës së Përgjithshme të Republikës së Shqipërisë në Janinë, të cilët kanë proceduar me shoqërimin dhe transportin e tyre drejt Ambasadës së Republikës së Shqipërisë në Athinë. Gjatë transportimit të tyre nga Konsulli i Përgjithshëm i Republikës së Shqipërisë në Janinë, në një nga ndalesat e bëra për në ambasadën tonë, pikërisht në rrugën Agion Asomaton të lagjes Thisio, Athinë, prej orës 22.50 deri në orën 00.10, automjeti me targa diplomatike u vandalizua. Gjendur para një fakti të tillë, janë njoftuar autoritetet policore vendase dhe janë kryer të gjitha procedurat e rastit nga ana e tyre:

1. Kqyrja e ambientit dhe makinës;

2. Marrja e shenjave të gishtërinjve;

3. Deklarimi dhe denoncimi për incidentin, bërë nga Konsulli i Përgjithshëm i Republikës së Shqipërisë në Janinë, z. Pervin Gjikuria në ambientet e policisë.

Menjëherë, si në rastin e ngjarjes së parë, në kufi, dhe në rastin e ngjarjes së dytë, Ministria për Evropën dhe Punët e Jashtme u angazhua për të marrë masa të menjëhershme parandaluese për evitimin e ngjarjeve të tilla në të ardhmen.

Në të njëjtën kohë, Ministria për Evropën dhe Punët e Jashtme ka nisur menjëherë të gjitha procedurat hetimore dhe administrative për të ndëshkuar në mënyrë rigoroze, sipas shkallës së shkeljes, përgjegjësit për këto praktika që shkojnë në kundërshtim me rregullat dhe ligjet në fuqi. Ministria e Brendshme në bashkëpunim me kompaninë ALEAT, kanë marrë masat për nxjerrjen jashtë përdorimi dhe shpalljen e pavlefshme të këtyre pasaportave, si dhe angazhimin për të përshpejtuar procedurat e riprodhimit dhe zëvendësimin e tyre. Ministria për Evropën dhe Punët e Jashtme ka udhëzuar të gjitha instancat e nevojshme që qytetarët e prekur nga dëmi i shkaktuar të ri-aplikojnë pa shpenzime dhe lëshimi i pasaportave të reja të bëhet me urgjencë.

Një ditë më parë ishte gazetari mediat publikuan rastin skandaloz, sesi pasaportat e emigrantëve shqiptarë ishin nisur drejt Greqisë pa shoqërues dhe të futura në një çantë rrobash. Pas kësaj ka qenë policia greke që ndaloi shoferin e autobusit deri në sqarimin e çështjes, ndërsa ka qenë ambasada jonë në Athinë që ka marrë në dorëzim nga policia greke pasaportat, për t’i humbur ato më vonë. Pasaportat sipas ambasadës janë vjedhur së bashku me makinën që po i transportonte, e cila ishte e parkuar. 

(B.B/ Dosja.al)

Tirana është boshatisur për ditët e pushimit. Cilën nga ritet e shenjta po ndiqni:

View Results

politike politike humbja e pasaportave në greqi ministria e jashtme pasaportat vjedhja e pasaportave shqiptare humbja e pasaportave në greqi ministria e jashtme pasaportat vjedhja e pasaportave shqiptare

Sondazh

Poll

MË SHUMË