Politike

VD-Ceremonia për Nishanin/ Me shirit të zi në dorë, Berisha i jep lamtumirën e fundit

I shoqëruar nga bashkëshortja e tij, Liri Berisha, kryetari i PD-së ngushëlloi familjen e ish-presidentit të vendit. 

2 Qershor 2022, 10:31 Nga DOSJA
VD-Ceremonia për Nishanin/ Me shirit të zi në dorë, Berisha
Sali Berisha

TIRANË- Kryetari i Partisë Demokratike Sali Berisha ka kryer homazhe në nderim të ish-presidentit Bujar Nishani, i cili u nda nga jeta pak ditë më parë në një spital në Gjermani. I shoqëruar nga bashkëshortja e tij, Liri Berisha, kryetari i PD-së ngushëlloi familjen e ish-presidentit të vendit. 

Me shirit në dorë dhe i shfaqur me të zeza, Berisha u shfaq i prekur.

Qeveria e Shqipërisë vendosi që 2 qershori të jetë ditë zie kombëtare, në nderim Nishanit, i cili u nda nga jeta më 28 maj. Në të gjitha institucionet shtetërore dhe publike do të ulet flamuri kombëtar në gjysmështizë. Ceremonia ka nisur në orën 10:00 dhe përfundon në ora 12:00 ditën e sotme.

Homazhet shtetërore në nder të Nishanit mbahen në ambientet e Presidencës u mbajtën nga ora 10:00 deri në 12:00. Pas orës 12:00, arkëmorti me trupin e Presidentit Nishani, i shoqëruar nga kortezhi mortor do të shkojë në këmbë deri tek ura e Lanës dhe më pas do të dërgohet në varrezat e Sharrës, ku edhe do të zhvillohet ceremonia e varrimit.

Sondazh

Poll

MË SHUMË