Aktualitet

Operacioni 'Agimi' , shkon në 20 numri i personave të arrestuar për kultivim të lëndëve narkotike

Ky operacion ka nisur vitin e kaluar duke arrestuar 19 persona për kultivim të lëndëve narkotike dhe shpallur 24 të tjerë në kërkim.

31 Maj 2022, 20:40 Nga DOSJA
Operacioni 'Agimi' , shkon në 20 numri i personave të
Policia

KRUJË- Numri i të arrestuarve në zonën e Niklës ka shkuar në 20, pas operacionit policor 'Agimi'. Ky operacion ka nisur vitin e kaluar duke arrestuar 19 persona për kultivim të lëndëve narkotike dhe shpallur 24 të tjerë në kërkim. Ndërkohë që ditën e sotme është arrestuar një tjetër person.

Njoftimi i policisë:

Vijon operacioni policor i koduar “Agimi”. Shkon në 20 numri i të arrestuarve dhe të ndaluarve në kuadër të operacionit të nisur në maj 2021, në zonën e Niklës, në fshatrat Halil dhe Arramerras të rrethit Krujë, për goditjen e veprimtarisë kriminale në fushën e kultivimit të bimëve narkotike. Gjatë operacionit, në maj 2021, u arrestuan në flagrancë 16 shtetas, u shpallën në kërkim 24 shtetas dhe u proceduan në gjendje të lirë 3 të tjerë.

Prej majit të vitit 2021 janë kapur 3 persona të shpallur në kërkim në kuadër të këtij operacioni. Ndërsa ditën e sotme është bërë ekzekutimi i masës së sigurisë për një tjetër person të shpallur në kërkim, konkretisht për shtetasin: Operacioni nisi në maj 2021, bazuar në të dhënat e mbledhura nga monitorimet me drone, të kryera nga Policia e Shtetit dhe ato nga ajri, të kryera me avion nga GDF, si dhe mbi bazën e informacioneve policore të marra më parë.

Gjatë operacionit, shërbimet e Policisë kanë kontrolluar sera, magazina, banesa e zona të pyllëzuara. Si rezultat u sekuestrua një laborator që shërbente për kultivimin e bimëve narkotike me anë të ngrohjes me llampa, kubikë dhe fidanë canabis, 5 automjete dhe prova të tjera materiale. Vijon puna për kapjen e personave të tjerë të shpallur në kërkim në kuadër të këtij operacioni.

(I.A/dosja.al)

Sondazh

Poll

MË SHUMË