Aktualitet

Protesta në Lezhë, taksisti përfundon në polici, kolegët kërkojnë lirimin e tij

Ata shprehen se Marlekaj po mbahet pa të drejtë në qeli sepse e vetmja gjë që ka bërë është se ka kërkuar të drejtën e tij.

31 Maj 2022, 19:34 Nga DOSJA
Protesta në Lezhë, taksisti përfundon në polici,
Taksistët

LEZHË- Taksisti Lek Marlekaj ka përfunduar në polici dhe mësohet se do të ndiqet penalisht pasi akuzohet se ka bërë thirrje për dhunë. Taksisti është shoqëruar këtë pasdite, pasi protestoi para bashkisë.

Por, tashmë, kolegët e Marlekaj janë grumbulluar para komisariatit në Lezhë dhe kërkojnë lirimin e kolegut të tyre. Ata shprehen se Marlekaj po mbahet pa të drejtë në qeli sepse e vetmja gjë që ka bërë është se ka kërkuar të drejtën e tij. Por, policia mendon ndryshe.

Taksistët protestuan sot para bashkisë pasi janë përjashuar nga festivali vjetor i UNUMIT nga i cili përftohen mjaft turistë nga i gjithë vendi e më gjerë. Kjo gjë çdo vit u ka sjellë të ardhura taksistëve të Lezhës, por këtë verë janë lënë jashtë planit e për pasojë janë ngritur në protestë.

(f.m/dosja.al)

Sondazh

Poll

MË SHUMË