Aktualitet

Gjendet e vdekur në kanal vajza në Shkodër, ishte zhdukur më 8 maj, është dhunuar e vrarë

E reja ishte zhdukur që më datë 8 maj, pasi ishte larguar nga banesa ku jetonte me të motrën. Kjo e fundit kishte telefonuar policinë duke dhënë alarmin për largimin e të motrës nga shtëpia.

31 Maj 2022, 19:22 Nga DOSJA
Gjendet e vdekur në kanal vajza në Shkodër, ishte zhdukur më
Shkodër, vendi ku u gjet e vdekur Leze Qosaj

SHKODËR- Leze Qosaj, 37 vjeçe me origjinë nga Tropoja, por banuese në lagjen Dobraç është gjetur e vdekur në një livadh në afërsi të Bypassit të Shkodrës, në lagjen e quajtur “Ahmet Haxhija”. Trupi i pajetë i vajzës, që dyshohet se i përket komunitetit rom, u gjet pasditen e sotme rreth orës 17:05 nga banorë të zonës të cilët lajmëruan autoritetet, tre ditë pasi ishte hedhur.

E reja ishte zhdukur që më datë 8 maj, pasi ishte larguar nga banesa ku jetonte me të motrën. Kjo e fundit kishte telefonuar policinë duke dhënë alarmin për largimin e të motrës nga shtëpia. Dhe pikërisht sot, 23 ditë pas zhdukjes, Leze Qosaj u gjet e hedhur në një kanal, gjysmë e dekompozuar.

Në kokën e në trupin e Qosajt janë konstatuar shenja dhune gjë që i bën autoritetet të mendojnë se kemi të bëjmë me një vrasje. Trupi është larguar nga vendi ku u gjet dhe pritet ekspertiza mjeko-ligjore për të përcaktuar shkakun e vdekjes.

Gjithashtu, pritet të merret në pyetje e motra për të zbuluar më shumë nga jeta e 37-vjeçares, gjë që mund të hedhë dritë mbi autorët e kësaj ngjarjeje.

(F.m/dosja.al)

Sondazh

Poll

MË SHUMË