Aktualitet

Gruaja e shtrirë në tokë, pamje të rënda nga aksidenti në Vlorë, 38-vjeçaren e përplasi efektivi me motor

Përveç këmbësores, i plagosur ka mbetur edhe efektivi që ishte pasagjer në motor. Të dy janë dërguar në spital ku po marrin ndihmën e nevojshme mjekësore.

31 Maj 2022, 19:51 Nga DOSJA
Gruaja e shtrirë në tokë, pamje të rënda nga aksidenti
Aksident në Vlorë

VLORË- Pamjet që po shikoni vijnë nga Vlora, aty ku u bë një aksident pasditen e sotme. E shtrirë në rrugë shihet J. M., 38 vjeçe, banuese në Vlorë e cila është përplasur nga motori i një efektivi dhe është plagosur. Në njoftimin e policisë bëhet me dije se E. Sh., punonjës policie, duke patrulluar në sektorin e shërbimit me motomjet, ka aksidentuar këmbësoren.

Përveç kësaj të fundit, i plagosur ka mbetur edhe efektivi që ishte pasagjer në motor. Të dy janë dërguar në spital ku po marrin ndihmën e nevojshme mjekësore.

Njoftimi i policisë Vlorë:

Më datë 31.05.2022, rreth orës 17:05, në Bulevardin kryesor, shtetasi E. Sh., punonjës policie, duke patrulluar në sektorin e shërbimit me motomjet, ka aksidentuar këmbësoren shtetasen J. M., 38 vjeçe, banuese në Vlorë. Si pasojë është dëmtuar shtetasja J. M., si dhe pasagjeri në motomjet shtetasi K.M.,(punonjës policie), të cilët ndodhen në spitalin Rajonal Vlorë, nën kujdesin e mjekëve. Grupi hetimor ndodhet në vendngjarje dhe po punon për sqarimin e rrethanave të aksidentit.

(F.m/dosja.al)

Sondazh

Poll

MË SHUMË