Aktualitet

Gjendet një vajzë e vdekur në Shkodër, ka shenja dhune, dyshohet ta kenë vrarë

Në kokë e në pjesë të ndryshme të trupit shihen të nxira të shkaktuara nga dhuna që dyshohet t’i ketë sjellë dhe vdekjen vajzës.

31 Maj 2022, 17:12 Nga DOSJA
Gjendet një vajzë e vdekur në Shkodër, ka shenja dhune,
Shkodër, vendi ku vajza u gjet e vdekur

SHKODËR- Një vajzë, pjesë e komunitetit rom është gjetur e vdekur në një zonë të pyllëzuar pranë ByPass-it të Shkodrës. Banorët e zonës pikasën vajzën e re të hedhur rrëzë ferrave dhe kanë njoftuar policinë. Zona është rrethuar dhe trupi i të resë po nxirret që aty për tu dërguar në morg.

Fillimisht, do t’i nënshtrohet autopsisë dhe ekspertizës mjeko-ligjore për të hedhur më shumë dritë në lidhje me atë çfarë ka ndodhur me të renë. Paraprakisht dyshohet se kemi të bëjmë me një vrasje, pasi ne trupin e vajzës janë konstatuar shenja dhune.

Në kokë e në pjesë të ndryshme të trupit shihen të nxira të shkaktuara nga dhuna që dyshohet t’i ketë sjellë dhe vdekjen vajzës. Ende nuk janë zbardhur detaje për të renë, si emri apo mosha e saj.

(F.m/dosja.al)

Sondazh

Poll

MË SHUMË