Politike

Çështja e presidentit, Agalliu: Seanca plenare nul, në sallë nuk kishte 84 deputetë

Agalliu u shpreh se brenda sallës nuk kishte 84 deputetë për të përmbushur kuorumin e nevojshëm. 

30 Maj 2022, 12:47 Nga DOSJA
Çështja e presidentit, Agalliu: Seanca plenare nul, në
Arbi Agalliu

TIRANË- Deputeti i Partisë Demokratike, Arbi Agalliu deklaroi ditën e sotme se seanca e sotme plenare për zgjedhjen e presidentit është nul. Për gazetarët, jashtë sallës së Kuvendit, Agalliu u shpreh se brenda sallës nuk kishte 84 deputetë për të përmbushur kuorumin e nevojshëm. 

‘Nuk kanë qenë prezent 84 deputetë gjë që do të thotë se kjo seancë të quhet nul. Nuk ka pasur 84 deputetë. Kemi kërkuar dhe nga zyrat për të marrë me shkrim, emër për emër të të gjithë deputetëve që kanë qenë në sallë sot gjatë kësaj seancë. Kjo seancë ka qenë nul, pasi kërkohen 84 deputetë. Nuk ka qenë kuorumi i nevojshëm.’- tha Agalliu.

(a.b)/dosja.al

Sondazh

Poll