Bota

Vazhdojnë luftimet e ashpra në rajonin Luhansk të Ukrainës

Oleksandr Striuk, kreu i administratës ushtarake të qytetit Severodonetsk, tha se ka pasur beteja të ashpra për qytetin dhe se ka një pikë të nxehtë lufte.

27 Maj 2022, 14:15 Nga DOSJA
Vazhdojnë luftimet e ashpra në rajonin Luhansk të Ukrainës
Ukraine

UKRAINË- Zyrtarët ukrainas të premten raportuan për vazhdimin e luftimeve të ashpra në rajonin e Luhanskut, me një shef ushtarak lokal që përshkruan "betejat e ashpra" për qytetin e Severodonetsk.

Oleksandr Striuk, kreu i administratës ushtarake të qytetit Severodonetsk, tha se ka pasur beteja të ashpra për qytetin dhe se ka një pikë të nxehtë lufte.

"Më 26 maj, një grup armik sabotazhi dhe zbulimi hyri në hotelin Mir. Forcat e Armatosura Ukrainase rezistuan."-tha ai.

Një kanal pro-rus tha se forcat ruse kishin hyrë në hotel, i cili është në veri të Severodonetsk, dhe se luftimet në rrugë ishin duke u zhvilluar.

Serhiy Hayday, kreu i administratës ushtarake rajonale të Luhanskut, tha se një operacion ukrainas për të rimarrë hotelin ishte duke u zhvilluar të premten.

"Ne nuk jemi ende në kontroll të hotelit. Por ne po punojmë për të dëbuar rusistët [rusët fashistët]."-tha ai.

Hayday gjithashtu përshkroi granatime të forta rreth Severodonetsk dhe Lysychansk fqinj, ndërsa forcat ruse shtynë nga drejtimi i qyteteve Purdivka dhe Shchedryshchevo, duke thënë se i kishte vënë zjarrin stacionit të policisë në Lysychansk dhe dëmtoi rreth 50 ndërtesa në zonë.

"Banorët e Severodonetsk tashmë kanë harruar se si është kur qyteti është i heshtur për të paktën gjysmë ore," tha Hayday.

(d.a/dosja.al)

Sondazh

Poll

MË SHUMË