Bota

Dy ditë pas sulmit në Teksas, një 20-vjeçar i armatosur vritet nga policia në Kanada

James Ramer tha se dy ditë pas masakrës në Robb Elementary në Uvalde, Teksas, prania e një personi të armatosur krijoi panik dhe të gjitha shkollat ​​në zonë u mbyllën derisa policia ndërhyri

27 Maj 2022, 12:41 Nga DOSJA
Dy ditë pas sulmit në Teksas, një 20-vjeçar i armatosur
Foto ilustruese

KANADA- Një person i cili po ecte i armatosur pranë një shkolle në Toronto, Kanada është vrarë nga policia. I riu, sipas policisë ishte rreth 20 vjeç, i veshur me një kapele të bardhë dhe një pallto të gjatë.

Kreu i organeve të rendit, James Ramer tha se dy ditë pas masakrës në Robb Elementary në Uvalde, Teksas, prania e një personi të armatosur krijoi panik dhe të gjitha shkollat ​​në zonë u mbyllën derisa policia ndërhyri.

Një zëdhënës i Njësisë së Hetimit Special të Policisë së Torontos shpjegoi se dy oficerë policie qëlluan personin e armatosur dhe e vranë atë. Sipas Ansa, është e paqartë nëse i riu e mbante armën kur policia qëlloi. 

Shefi i policisë James Ramer nuk dha detaje të tjera pasi hetimi është në vazhdim.

“Nuk ka asnjë kërcënim për sigurinë publike. Për shkak të afërsisë me një shkollë, e kuptoj se sa traumatike duhet të ketë qenë kjo për stafin, studentët dhe prindërit duke pasur parasysh ngjarjet e fundit në Shtetet e Bashkuara,” tha ai.

(j.c)/dosja.al 

Sondazh

Poll

MË SHUMË