Bota

Lavrov mohoi masakrën e Reçakut, ambasadori amerikan: Glorifikon krimet e lutës dhe çnderon kujtimin e viktimave

Në një postim në Twitter Hovenier, ka thënë se përpjekjet për të rishkruar dhe mohuar një masakër si ajo e Reçakut e cila është mirë e dokumentuar glorifikojnë krimet e luftës dhe çnderojnë kujtimet për të vdekurit dhe hapin plagët e të mbijetuarve.

27 Maj 2022, 12:36 Nga DOSJA

Lavrov mohoi masakrën e Reçakut, ambasadori amerikan: Glorifikon

KOSOVË- Ambasadori i Shteteve të Bashkuara të Amerikës në Prishtinë, Jeffrey Hovenier i është përgjigjur deklarateve të shefit të diplomacisë ryse Sergei Lavrov i cili ka mohuar masakrën e Reçakut duke e quajtur trillim.

Në një postim në Twitter Hovenier, ka thënë se përpjekjet për të rishkruar dhe mohuar një masakër si ajo e Reçakut e cila është mirë e dokumentuar glorifikojnë krimet e luftës dhe çnderojnë kujtimet për të vdekurit dhe hapin plagët e të mbijetuarve.

“Ata që mohojnë mizoritë në Reçak kërkojnë të pengojnë përparimin drejt pajtimit rajonal, konsolidimit demokratik dhe integrimit evropian dhe euroatlantik”, ka shkruar Hovenier.

Sergeri Lavrov teksa fliste për masakrën që ushtarët rusë kanë kryer në Bucha të Ukrainës kundër civlëve të pafajshëm, ka përmendur dhe masakrën e Reçakut ku tha se të dyja janë skema që sipas tij i interesojnë amerikanëve. Në lidhje me masakrën e Reçakut ai theksoi se në fakt viktimat nuk kanë qenë civilë.

(d.a/dosja.al)

Sondazh

Poll

MË SHUMË