Politike

VD-Mbledhja e grupit, Berisha mbërrin në selinë blu: Alibeaj vegël e Ramës, po fyejnë Diasporën

Alibeaj mendon se duhet krijuar zonë e veçantë zgjedhore që sipas Berishës është diçka antiShqiptare

26 Maj 2022, 11:16 Nga DOSJA
VD-Mbledhja e grupit, Berisha mbërrin në selinë blu: Alibeaj
Sali Berisha

TIRANË- Ish-kryeministri Sali Berisha nuk e njeh mbledhjen e zhvilluar nga deputeti Enkelejd Alibej, i cili thittir sot grupin e PD-së në seinë blu për çështjen e Presidentit. Në një prononcim për mediat, para se të ngjitej në katin e dytë ky zhvilloi një mbledhje tjetër me mbështetësit e tij, Berisha tha se Alibeaj s’ka asnjë tagër në PD.

Ish-kryeministri u shpreh se ai është vënë në shërbim të kryeministrit Edi Rama dhe si lëvizjen më të fundit në favor të kreut të qeverisë, përmendi çështjen për votat e Disporës. Alibeaj mendon se duhet krijuar zonë e veçantë zgjedhore që sipas Berishës është diçka antiShqiptare.

“Përveç autoritetit që i jep Edi Rama. Alibeaj nuk ka asnjë autoritet dhe tagër nga Partia Demokratike e Shqipërisë. Çdo veprim i tij është sintonizim i një farsetë shpifur të zgjedhjes së Presidentit të Republikës nga Edi Rama me kallp opozitën. Jam këtu para jush dhe dua të dënoj me ashpërsinë më të madhe pikëpamjen e Edi Ramës të konsiderimit të emigracionit dhe diasporës si një zonë e veçantë elektorale. E paralajmëroj këtu mos të luajë me liritë dhe të drejtën e miliona shqiptarëve që janë sot në të katër anë3t e botës. Ata do të ushtrojnë të drejtën e votës së tyre për kandidatët e qyteteve apo zonave të tyre të origjinës. Sot teknologjia online e bën këtë 100% të mundshme. Çdo përpjekje e Edi Ramës që shprehu nëpërmjet veglës së tij Alibeaj, për një zotë të veçantë për emigracionin, është një përpjekje e mirëfiloltë antidemokratike, antishqiptare. Është një fyerje e madhe që u bëhet emigrantëve dhe diasporës shqiptare në të katër anët e dheut. Do të hasë kjo në një rezistencë mbarëkombëtare,”- tha Berisha.

(f.m/dosja.al)

Sondazh

Poll

MË SHUMË