Bota

I dyshuar si pjesë e grupit famëkeq 'Wagner', vritet gjenerali i lartë i forcave ruse në Ukrainë

Gjeneral Major Kanamat Botashev, 63 vjeç, u bë gjenerali i 13-të që vdiq në Ukrainë kur u godit nga një raketë Stinger ndërsa fluturonte mbi rajonin e Luhanskut të dielën.

25 Maj 2022, 19:00 Nga DOSJA
I dyshuar si pjesë e grupit famëkeq 'Wagner', vritet
Kanamat Botashev

UKRAINË- Një gjeneral rus u vra nga forcat ukrainase, duke e bërë atë pilotin më të lartë luftarak që ka vdekur në luftën në Ukrainë që nga fillimi i saj më 24 Shkurt.

Sipas Dailymail, Gjeneral Major Kanamat Botashev, 63 vjeç, u bë gjenerali i 13-të që vdiq në Ukrainë kur u godit nga një raketë Stinger ndërsa fluturonte mbi rajonin e Luhanskut të dielën.

Botashev më parë kishte dalë në pension dhe nuk kishte fluturuar me aeroplan prej një dekadë. Ishte e paqartë pse ai ishte kthyer në kabinën e një avioni rus Su-25, një prej avionëve luftarakë më të sofistikuar të Rusisë.

“Ka pak njerëz në këtë planet që kanë jetuar në qiell si ju. Qielli merr më të mirën, sot të mori ty”, lexohet në një përkujtimore të postuar në një kanal Telegrami nga pilotët rusë.

Zyrtarët ukrainas njoftuan rrëzimin e një avioni luftarak rus Su-25 së bashku me një foto të rrënojave. Një koleg i pilotit të rënë tha se Botashev ndjente detyrën të merrte armët kundër Ukrainës, duke thënë se ai ndoshta “thjesht nuk mund të qëndronte mënjanë”.

Përveç më shumë se dhjetëra gjeneralëve rusë të vrarë, më shumë se 40 kolonel besohet se kanë vdekur në konfliktin gjithnjë e më të përgjakshëm. Zyrtarët rusë nuk kanë konfirmuar apo komentuar ende vdekjen e raportuar të Botashev.

Eliminimi i oficerëve të rangut të lartë rusë, pohojnë ekspertët ushtarakë, po ul moralin dhe po forcon përpjekjet e luftës në Ukrainë.

(d.a/dosja.al)

Sondazh

Poll

MË SHUMË